Baula, þjónustumiðstöð, nýtt deiliskipulag

Sveitarstjórn Borgarbyggðar samþykkti nýtt deiliskipulag Baulu, þjónustumiðstöðvar, á fundi sínum 13. maí 2026. Deiliskipulagssvæðið er 20.000 m² með aðkomu út frá Vesturlandsvegi og Borgarfjarðarbraut. Sunnarlega á lóðinni er 406 m² þjónustubygging á einni hæð en heimilt er að stækka hana þannig að byggingarmagn verði að hámarki 2.000 m² á tveimur hæðum auk kjallara.
Innan deiliskipulagsins er heimilt að reka eldsneytis- og þjónustustöð með veitingasölu. Auk þjónustubyggingar er gert ráð fyrir eldsneytisdælum og hraðhleðslustöðvum fyrir bæði fólksbíla og stærri ökutæki ásamt tilheyrandi mannvirkjum, s.s. eldsneytistönkum, sand- og olíuskilju, töfluhúsum og spennistöð. Á svæðinu eru einnig bílastæði, þvottaplan og leiksvæði. Hleðslustöðvar eru innan veghelgunarsvæðis og eru því víkjandi ef Vegagerðin fer fram á að þær verði fjarlægðar.

Deiliskipulagið hefur hlotið þá meðferð sem skipulagslög nr. 123/2010 kveða á um og öðlast þegar gildi.

B deild — Útgáfudagur: 2. júlí 2026