Breyting á deiliskipulagi hafnarsvæðis á Patreksfirði.

Heimastjórn Patreksfjarðar samþykkti á fundi sínum 8. apríl 2026 breytingu á deiliskipulagi fyrir hafnarsvæðið á Patreksfirði. Deiliskipulagsbreytingin er unnin vegna fyrirhugaðrar uppbyggingar nýs stórskipakants við Patrekshöfn, auk annarra breytinga og lagfæringa innan skipulagssvæðisins. Breytingin felur meðal annars í sér skilgreiningu nýs hafnarkants, stækkun hafnarsvæðis, breytingar á vegtengingum, leiðréttingar á lóðamörkum og uppfærslu skilmála og skipulagsgagna til samræmis við núverandi aðstæður og fyrirhugaða uppbyggingu. Tillagan var auglýst með athugasemdafresti til 24. nóvember 2025.

Deiliskipulagið hefur hlotið meðferð samkvæmt 1. mgr. 42. gr. skipulagslaga nr. 123/2010 og öðlast þegar gildi.

B deild — Útgáfudagur: 14. október 2026