REGLUGERÐ RÁÐSINS (ESB) 2025/2397

frá 24. nóvember 2025

um breytingar á reglugerð (ESB) 2016/1686 um viðbótarþvingunaraðgerðir gegn
Íslamska ríkinu (Da‘esh) og Al-Qaida-samtökunum og einstaklingum,
lögaðilum, rekstrareiningum eða stofnunum sem þeim tengjast

RÁÐ EVRÓPUSAMBANDSINS HEFUR,

með hliðsjón af sáttmálanum um starfshætti Evrópusambandsins, einkum 215. gr.,

með hliðsjón af ákvörðun ráðsins (SSUÖ) 2025/2398 frá 24. nóvember 2025 um breytingu á ákvörðun (SSUÖ) 2016/1693 um þvingunaraðgerðir gegn Íslamska ríkinu (Da‘esh) og Al-Qaida-samtökunum og einstaklingum, hópum, fyrirtækjum og rekstrareiningum sem þeim tengjast (¹),

með hliðsjón af sameiginlegri tillögu frá æðsta fulltrúa Sambandsins í utanríkis- og öryggismálum og framkvæmdastjórn Evrópusambandsins,

og að teknu tilliti til eftirfarandi:

1)    Með reglugerð ráðsins (ESB) 2016/1686 (²) er ákvörðun ráðsins (SSUÖ) 2016/1693 (³) komið til framkvæmda.

2)    Í ljósi þeirrar áframhaldandi ógnar sem stafar af Íslamska ríkinu (Da‘esh) og Al-Qaida-samtökunum og einstaklingum, hópum, fyrirtækjum og rekstrareiningum sem þeim tengjast samþykkti ráðið 24. nóvember 2025 ákvörðun (SSUÖ) 2025/2398 í því skyni að bæta einni rekstrareiningu við á skrána yfir einstaklinga, hópa, fyrirtæki og rekstrareiningar sem þvingunaraðgerðir taka til.

3)    Þvingunaraðgerðir samkvæmt ákvörðun ráðsins 2010/788/SSUÖ (⁴) og reglugerð ráðsins (EB) nr. 1183/2005 (⁵) taka þegar til þeirrar rekstrareiningar. Til að tryggja samræmda framkvæmd aðgerða til frystingar eigna er með ákvörðun (SSUÖ) 2025/2398 viðeigandi þvingunaraðgerðum, sem eiga við þessa rekstrareiningu samkvæmt þeirri ákvörðun, frestað eins lengi og þær aðgerðir sem kveðið er á um í ákvörðun 2010/788/SSUÖ gilda um hana.

4)    Þessar ráðstafanir falla undir gildissvið sáttmálans um starfshætti Evrópusambandsins og því er lagasetning á vettvangi Sambandsins nauðsynleg, einkum til að tryggja að þeim verði beitt með sama hætti í öllum aðildarríkjunum.

5)    Því ætti að breyta reglugerð (ESB) 2016/1686 til samræmis við það.

SAMÞYKKT REGLUGERÐ ÞESSA:

1. gr.

Eftirfarandi málsgrein bætist við 4. gr. reglugerðar (ESB) 2016/1686:

„5. Fresta skal þeim aðgerðum sem um getur í 1. og 2. mgr. 2. gr., að því marki sem þær eiga við um Lýðræðissveitir bandamanna (e. Allied Democratic Forces), eins lengi og þær aðgerðir sem mælt er fyrir um í 1. og 2. mgr. 2. gr. reglugerðar ráðsins (EB) nr. 1183/2005 (⁶) gilda um þá rekstrareiningu.“

2. gr.

Reglugerð þessi öðlast gildi daginn sem hún birtist í Stjórnartíðindum Evrópusambandsins.

Reglugerð þessi er bindandi í heild sinni og gildir í öllum aðildarríkjum án frekari lögfestingar.

Gjört í Brussel 24. nóvember 2025.

Fyrir hönd ráðsins,

forseti

L. LØKKE RASMUSSEN

(1) Stjtíð. ESB L, 2025/2398, 24.11.2025, ELI: ELI: https://data.europa.eu/eli/dec/2025/2398/oj.

(2) Reglugerð ráðsins (ESB) 2016/1686 frá 20. september 2016 um viðbótarþvingunaraðgerðir gegn Íslamska ríkinu (Da‘esh) og Al-Qaida-samtökunum og einstaklingum og lögaðilum, rekstrareiningum eða stofnunum sem þeim tengjast (Stjtíð. ESB L 255, 21.9.2016, bls. 1, ELI: https://data.europa.eu/eli/reg/2016/1686/oj).

(3) Ákvörðun ráðsins (SSUÖ) 2016/1693 frá 20. september 2016 um þvingunaraðgerðir gegn Íslamska ríkinu (Da‘esh) og Al-Qaida-samtökunum og einstaklingum, hópum, fyrirtækjum og rekstrareiningum sem þeim tengjast og um niðurfellingu sameiginlegrar afstöðu 2002/402/SSUÖ (Stjtíð. ESB L 255, 21.9.2016, bls. 25, ELI: https://data.europa.eu/eli/dec/2016/1693/oj).

(4) Ákvörðun ráðsins 2010/788/SSUÖ frá 20. desember 2010 um þvingunaraðgerðir í ljósi ástandsins í Lýðstjórnarlýðveldinu Kongó (Stjtíð. ESB L 336, 21.12.2010, bls. 30, ELI: https://data.europa.eu/eli/dec/2010/788/oj).

(5) Reglugerð ráðsins (EB) nr. 1183/2005 frá 18. júlí 2005 um þvingunaraðgerðir í ljósi ástandsins í Lýðstjórnarlýðveldinu Kongó (Stjtíð. ESB L 193, 23.7.2005, bls. 1, ELI: https://data.europa.eu/eli/reg/2005/1183/oj).

(6) Reglugerð ráðsins (EB) nr. 1183/2005 frá 18. júlí 2005 um þvingunaraðgerðir í ljósi ástandsins í Lýðstjórnarlýðveldinu Kongó (Stjtíð. ESB L 193, 23.7.2005, bls. 1, ELI: https://data.europa.eu/eli/reg/2005/1183/oj).

ÁKVÖRÐUN RÁÐSINS (SSUÖ) 2025/2398

frá 24. nóvember 2025

um breytingu á ákvörðun (SSUÖ) 2016/1693 um þvingunaraðgerðir gegn
Íslamska ríkinu (Da‘esh) og Al-Qaida-samtökunum og einstaklingum,
hópum, fyrirtækjum og rekstrareiningum sem þeim tengjast

RÁÐ EVRÓPUSAMBANDSINS HEFUR,

með hliðsjón af sáttmálanum um Evrópusambandið, einkum 29. gr.,

með hliðsjón af tillögu frá æðsta fulltrúa Sambandsins í utanríkis- og öryggismálum,

og að teknu tilliti til eftirfarandi:

1)       Hinn 20. september 2016 samþykkti ráðið ákvörðun (SSUÖ) 2016/1693 (¹).

2)       Í ljósi þeirrar áframhaldandi ógnar sem stafar af Íslamska ríkinu (Da‘esh) og Al-Qaida-samtökunum og einstaklingum, hópum, fyrirtækjum og rekstrareiningum sem þeim tengjast ætti að bæta einni rekstrareiningu á skrána yfir einstaklinga, hópa, fyrirtæki og rekstrareiningar sem er sett fram í viðaukanum við ákvörðun (SSUÖ) 2016/1693.

3)       Með tilliti til þess að rekstrareiningin sem bæta skal á skrána fellur þegar undir aðgerðirnar sem settar eru fram í ákvörðun ráðsins 2010/788/SSUÖ (²) ætti að fresta viðeigandi þvingunaraðgerðum samkvæmt ákvörðun (SSUÖ) 2016/1693 varðandi þá rekstrareiningu eins lengi og aðgerðirnar sem kveðið er á um í ákvörðun 2010/788/SSUÖ gilda um hana.

4)      Því ætti að breyta ákvörðun (SSUÖ) 2016/1693 til samræmis við það.

SAMÞYKKT ÁKVÖRÐUN ÞESSA:

1. gr.

Ákvörðun (SSUÖ) 2016/1693 er breytt sem hér segir:

1)        Eftirfarandi málsgrein er bætt við í 6. gr.:

„7. Fresta skal þeim aðgerðum sem um getur í 3. og 4. mgr. 3. gr., að því marki sem þær eiga við um Lýðræðissveitir bandamanna (e. Allied Democratic Forces), eins lengi og þær aðgerðir sem mælt er fyrir um í 1. og 2. mgr. 5. gr. ákvörðunar 2010/788/SSUÖ ⁽³⁾ gilda um þá rekstrareiningu.

2)       Viðaukanum við ákvörðun (SSUÖ) 2016/1693 er breytt í samræmi við viðaukann við þessa ákvörðun.

2. gr.

Ákvörðun þessi öðlast gildi daginn sem hún birtist í Stjórnartíðindum Evrópusambandsins.

Gjört í Brussel 24. nóvember 2025.

Fyrir hönd ráðsins,

forseti

L. LØKKE RASMUSSEN

(1) Ákvörðun ráðsins (SSUÖ) 2016/1693 frá 20. september 2016 um þvingunaraðgerðir gegn Íslamska ríkinu (Da‘esh) og Al-Qaida-samtökunum og einstaklingum, hópum, fyrirtækjum og rekstrareiningum sem þeim tengjast og um niðurfellingu sameiginlegrar afstöðu 2002/402/SSUÖ (Stjtíð. ESB L 255, 21.9.2016, bls. 25, ELI: https://data.europa.eu/eli/dec/2016/1693/oj).

(2) Ákvörðun ráðsins 2010/788/SSUÖ frá 20. desember 2010 um þvingunaraðgerðir í ljósi ástandsins í Lýðstjórnarlýðveldinu Kongó (Stjtíð. ESB L 336, 21.12.2010, bls. 30, ELI: https://data.europa.eu/eli/dec/2010/788/oj).

(3) Ákvörðun ráðsins 2010/788/SSUÖ frá 20. desember 2010 um þvingunaraðgerðir í ljósi ástandsins í Lýðstjórnarlýðveldinu Kongó (Stjtíð. ESB L 336, 21.12.2010, bls. 30, ELI: https://data.europa.eu/eli/dec/2010/788/oj).“

VIÐAUKI

[Viðaukar eru birtir á vef Stjórnartíðinda ESB: https://data.europa.eu/eli/dec/2025/2398/oj

Listar yfir aðila, hluti, tækni eða annað viðfang þvingunaraðgerða, eru birtir á vef Stjórnartíðinda Evrópusambandsins. Síðari breytingar og uppfærslur viðaukanna öðlast sjálfkrafa gildi við birtingu á þeim vef, sbr. 3. mgr. 6. gr. laga um framkvæmd alþjóðlegra þvingunaraðgerða og frystingu fjármuna nr. 68/2023.

Vefur Stjórnartíðinda Evrópusambandsins er hér: https://eurlex.europa.eu.

Heildarlisti yfir aðila sem eru háðir frystingu fjármuna er hér: https://ec.europa.eu/info/business-economy-euro/banking-and-finance/international-relations/restrictive-measures-sanctions_en#list.]