Húsnæðis-, mannvirkja- og skipulagsstofnun (HMS) staðfesti 14. ágúst 2026 óverulega breytingu á aðalskipulagi Skeiða- og Gnúpverjahrepps 2017-2029, sem samþykkt var í sveitarstjórn 22. apríl 2026.

Skeiða- og Gnúpverjahreppur og Rangárþing ytra vinna að lagfæringum á sveitarfélagamörkum með breytingu á aðalskipulagi beggja sveitarfélaga frá Gaukshöfða niður undir Búðafoss. Við afmörkunina er byggt á staðfestum landamerkjum milli jarða beggja vegna Þjórsár en að öðru leyti er miðað við sveitafélagamörk samkvæmt IS50v. Jafnframt er landnotkun aðlöguð breyttum sveitafélagamörkum án breytinga á skilmálum.

Málsmeðferð var vegna óverulegrar breytingar á aðalskipulagi samkvæmt 2. mgr. 36. gr. skipulagslaga nr. 123/2010.

B deild — Útgáfudagur: 17. ágúst 2026