Skútan - skipaskráningar og lögskráningarkerfi

Árgjald vegna aðgangs að lögskráningarkerfi sjómanna (Skútan) er kr. 28.237 vegna ársins 2026 og hefur krafa verið send í heimabanka útgerða og einstaklinga sem eru með skráð skip á skipaskrá og er eindagi þess 5. maí 2026. Gjaldið er innheimt á grundvelli gjaldskrár Samgöngustofu og 31. gr. laga um áhafnir skipa nr. 82/2022 og er ætlað að standa straum af rekstrarkostnaði vegna viðhalds og vistunar lögskráningarkerfisins og launa starfsmanna vegna þess. Til viðbótar við árgjaldið þarf að greiða kr. 4.910 fyrir hvern notanda kerfisins sem hefur heimild til að lögskrá á skip og verða reikningar sendir út í lok febrúar með eindaga 5. maí 2026 vegna notenda kerfisins.