Skrá ökutæki í umferð

Ekki má nota ökutæki sem hefur verið skráð úr umferð fyrr en það hefur verið skráð aftur í umferð og númeraplötur eða gildur skoðunarmiði eru til staðar.

Skráð úr umferð með miða

Ef ökutæki er skráð úr umferð með miða þarf að:

• Skrá það aftur í umferð með rafrænni tilkynningu hér að ofan.

• Fá nýjan skoðunarmiða áður en það er tekið í notkun.
  

Skráð úr umferð með innlögn

Aðeins skráður eigandi eða umráðamaður getur sótt númeraplötur.

• Framvísa þarf gildum skilríkjum.

• Ef annar sækir þarf skriflegt umboð.

Hafi ökutæki ekki gilda aðalskoðun má veita viku frest til skoðunar, nema númeraplötur hafi verið afklipptar af lögreglu. Eigandi þarf þá að undirrita yfirlýsingu og akstursheimild þarf að vera skráð og sýnileg í ökutækinu. Athugið að akstursheimild kemur ekki í veg fyrir álagningu vanrækslugjalds við mánaðarmót.

Númeraplötur fjarlægðar af lögreglu

Afklippt vegna vanbúnaðar eða skoðunar

• Færa þarf ökutækið til skoðunar.

• Ekki má skrá ökutæki í umferð nema niðurstaða skoðunar sé:

  • Án athugasemda

  • Lagfæring

• Númeraplötur eru afhentar á skoðunarstöð að lokinni skoðun.

Afklippt vegna trygginga

• Tryggja þarf ökutækið áður en númeraplötur eru sóttar.
  

Kostnaður

Það kostar ekkert að skrá ökutæki aftur í umferð. Hins vegar þarf að greiða öll gjaldfallin opinber gjöld sem kunna að hvíla á ökutækinu áður en númer eru afhent.