Innkaup geta verið stór hluti af fjárheimildum stofnana og fyrirtækja. Hvert ráðuneyti, stofnun eða ríkisfyrirtæki, þar sem ríkið á að minnsta kosti 50% eignarhlut, er skylt að hafa sérstakan starfsmann sem gegnir hlutverki ábyrgðarmanns innkaupa. Ábyrgð á innkaupum liggur þó endanlega hjá forstöðumönnum stofnana.
Ábyrgðarmaður innkaupa sér oftast um innkaupin og starfar undir leiðsögn forstöðumanns. Starfsmaðurinn sér til þess að innkaup stofnunar séu í samræmi við viðeigandi lög, reglur og stefnu ríkisins. Ábyrgðarmaður stuðlar að aukinni festu auk þess að leita leiða til úrbóta ef þörf er á.
Ábyrgðarmenn eru hvattir til að skrá sig á póstlista Ríkiskaupa, þar sem fréttir og fróðleikur er sendur reglulega út.
Lesa meira:
Um hlutverk og ábyrgð forstöðumanna: Grein 38 í lögum um réttindi og skyldur starfsmanna ríkisins.
Um hlutverk ábyrgðarmanns innkaupa: Grein 102 í lögum um opinber innkaup.