Með innheimtu opinberra gjalda er átt við ferlið frá því að innheimta þarf gjald og þar til það hefur verið greitt og bókað.  

Þjónustan er í boði fyrir A-hluta stofnanir ríkisins. Stofnanir sem vilja nýta sér þjónustuna geta sent fyrirspurn á fjarsyslan@fjarsyslan.is.

Einstaklingar og fyrirtæki skulu beina sínum fyrirspurnum til innheimtumanna ríkissjóðs, sem eru sýslumenn og Skatturinn. 

Þjónustuframboð

Reikningagerð

Þrjár leiðir eru í boði við útgáfu reikninga:

• vefþjónusta, gögn flytjast frá kerfi sem stofnun notar

• innlestur skráa frá stofnunum

• innsláttur reikninga í kerfi Fjársýslunnar

Eftir útgáfu reiknings verður til:

• rafrænn reikningur sem er aðgengilegur á Ísland.is og í skeytamiðlun

• krafa í banka eða greiðsla stofnuð í greiðslugátt

• bókun tekna í bókhald ríkisins ásamt afstemmingum og uppgjöri

Innheimta

Kostir þess að nýta innheimtuþjónustu Fjársýslunnar eru: 

• yfirsýn yfir greidda og ógreidda reikninga

• útsending á sjálfvirkum innheimtubréfum á Ísland.is

• stuðningur við vanskilainnheimtu

• möguleiki til að leyfa notanda að dreifa greiðslum (greiðsluáætlun)

• innheimtumenn ríkissjóðs nota kerfi Fjársýslunnar

Greiðslulausnir 

Stofnanir geta boðið viðskiptavinum sínum að greiða reikninga á eftirfarandi hátt: 

• gegnum „Mínar síður" á Ísland.is

• kröfur í banka

• borga á staðnum með tengingu við posa