Hvað felst í þjónustunni?

Reikningagerð

Fjársýslan getur gefið út reikinga á þrjá vegu:

• með vefþjónustu, þar sem gögn berast beint úr ytra kerfi frá stofnun í þjónustu

• með innlestri skráa frá stofnun

• með aðgangi að innheimtukerfum

Eftir að reikningur hefur verið gefinn út:

• verður hann að rafrænum reikningi á Ísland.is og í skeytamiðlun

• stofnast krafa í banka eða greiðsla í greiðslugátt

• eru tekjur bókaðar í bókhald ríkisins með afstemmingum og uppgjöri

Fjármál á island.is

Á Fjármálum á Ísland.is geta einstaklingar, fyrirtæki og stofnanir skoðað fjárhagsupplýsingar sínar gagnvart ríkinu.

Þar er hægt að:

• skoða skuldastöðu eins og hún er hverju sinni,

• sjá ógreidda reikninga og greiðsluseðla,

• nálgast hreyfingaryfirlit fyrir valið tímabil,

• skoða greiðslur og skuldajafnanir.

Sveitarfélög geta einnig skoðað upplýsingar um útsvarsgreiðslur.

Í samstarfi við Stafrænt Ísland hefur Fjársýslan þróað greiðslulausn fyrir umsóknakerfi Ísland.is. Lausnin gerir notendum kleift að greiða með greiðslukorti, millifærslu eða með kröfu. Á hverju ári fara um 200 þúsund greiðslur í gegnum kerfið.

Bankareikningar

Fjársýslan vinnur að því að fækka bankareikningum ríkissjóðs og ríkisaðila.

Stofnanir sem nýta bókhalds-, innheimtu- og greiðsluþjónustu Fjársýslunnar eiga almennt ekki að hafa bankareikninga í eigin vörslu, þar sem allar inn- og útgreiðslur fara í gegnum miðlæga ferla Fjársýslunnar.

Stofnanir sem ekki eru í þjónustu hjá Fjársýslunni skulu gera mánaðarleg skil á innstæðum sem fara umfram 2% af fjárheimild þeirra.

Innheimtustýring

Með innheimtustýringu fær stofnun:

• yfirsýn yfir greidda og ógreidda reikninga

• sjálfvirka útsendingu innheimtubréfa á Ísland.is

• stuðning við innheimtu vanskila

• möguleika á greiðsluáætlunum

• aðgang að sama kerfi og innheimtumenn ríkissjóðs nota

Greiðsluleiðir

Stofnanir geta boðið viðskiptavinum sínum að greiða reikninga á eftirfarandi hátt:

• á Mínum síðum á Ísland.is

• sem kröfur í banka

• á staðnum með posa

Greiðsluþjónusta Fjársýslunnar er í boði fyrir A-hluta stofnanir ríkisins.

Til að óska eftir þjónustunni sendir þú tölvupóst á fjarsyslan@fjarsyslan.is.

Fjársýslan veitir um 320 stofnunum, bókhalds- og/eða þjónustu tengda greiðslustýringu.

Hvað felst í greiðsluþjónustu?

Greiðsluþjónusta felur í sér miðlæga umsýslu greiðslna sem styður stofnanir við að hafa betri yfirsýn, tryggja rétt ferli og fylgja reglum um meðferð fjármuna.

Hver er ávinningurinn?

Með því að nýta greiðsluþjónustu fær stofnun:

• Betra innra eftirlit með skýrri aðgreiningu verkefna

• Aukið öryggi í meðferð gagna

• Einfaldari úrlausn frávika

• Betri yfirsýn og eftirfylgni með greiðslum og greiðsluskilmálum

• Samræmi við reglur um sjóðsstýringu

• Færri bankareikninga og einfaldari afstemmingar

Þjónustan er yfirleitt virkjuð innan nokkurra daga frá undirritun samnings.

Hvað þarf stofnun að gera?

Stofnun sem nýtir greiðsluþjónustu:

• Samþykkir reikninga fyrir eindaga

• Skilar sértekjum til Fjársýslunnar

• Sér um vörslufjárreikninga

• Sinnir samskiptum við birgja