Mikilvægt er að ráðuneyti og stofnanir í bókhaldsþjónustu FJS skili eftirtöldum gögnum fyrir þau tímamörk sem koma fram hér neðar vegna uppgjörs á bókhaldi ríkissjóðs 2024.

Hægt er að nálgast vinnslu og skiladagaplanið á .pdf formi hér.

Skil bókhaldsgagna vegna uppgjörs 2024:

Skil fyrir 10. janúar:

• Skila skal sjóðstalningarblaði fyrir 10. janúar 2025.

• Skila skal sjóðbók ásamt fylgiskjölum og reikningsyfirliti frá banka fyrir hvern bankareikning sem er í vörslu stofnunarinnar fyrir 10. janúar 2025.

• Fylgiskjölum vegna úttekta á Innkaupa- og kreditkort á liðnu ári skal skila fyrir 10. janúar 2025.

• Færslum frá færslusíðu Innkaupakortsins og excel skjölum vegna úttekta á kreditkortum skal skila fyrir 10. janúar.

• Skila skal ferðauppgjörum eða ferðareikningi eigi síðar en 10 dögum eftir heimkomu. Lokadagur skila vegna ferða á árinu 2024 er 10. janúar 2025.

• Stofnanir með birgðahald eiga að senda upplýsingar um stöðu vörubirgða í árslok 2024 fyrir 10. janúar 2025.

• Mælt er með því að stofnanir klári gerð útgefinna reikninga jafnóðum og tekjur verða til. Almennt ætti ekki að vera ástæða til að bíða með útgáfu reikninga vegna viðskipta í desember 2024 lengur en fram í fyrstu viku janúar 2025.

• Lokað verður fyrir útskrift reikninga í AR 10. janúar.

Skil fyrir 23. janúar:

• Skila þarf lista yfir óbókaða útgefna reikninga eða afrit útgefinna reikninga vegna sértekna stofnunarinnar sem tilheyra tekjum ársins 2024 fyrir 23.janúar. (tekjur)

• Skila þarf lista yfir áætlaðan óframkomin kostnað í þeim tilfellum þar sem vitað er að reikningur muni ekki berast fyrir lok janúar. Skila á listanum fyrir 23.janúar (gjöld).

  • Reikningar til greiðslu. Ógreiddir reikningar vegna kaupa á vöru og þjónustu á árinu 2024 verða að berast í Orra fyrir 31. janúar svo tryggt sé að þeir nái inn fyrir lokun á greiðslukerfinu. Mælt er með því að stofnanir hvetji birgja almennt til að senda reikninga strax og viðskipti hafa átt sér stað, almennt ætti ekki að vera ástæða til að bíða með útgáfu reikninga vegna viðskipta í desember 2024 lengur en fram í fyrstu viku janúar 2025.

Skil fyrir 25. janúar

• Stofnanir eiga að skila sundurliðun á stöðu verka í vinnslu sem sýnir sundurliðun kostnaðar fyrir hvert einstakt verkefni fyrir 25. janúar 2025. Mælt er með því að eignfærslur eigi sér stað jafnóðum og verki er lokið og hefur verið tekið í notkun. Í uppgjöri ber að upplýsa um áform um hvenær verk verður tekið í notkun eða verki verður lokið.

Skil fyrir 31. janúar:

• Millifærslubeiðnir og leiðréttingar ef við á.

Skil fyrir 10. febrúar

• Skila verður á sérstöku eyðublaði Fjársýslunnar upplýsingum um skuldbindandi samninga fyrir 10. febrúar 2025.