Opinber nýsköpun felst í að þróa eða innleiða nýjar leiðir sem bæta starfsemi hins opinbera og skapa virði fyrir samfélagið. Hún getur falist í nýrri þjónustu, breyttu verklagi, tæknilausnum eða auknu samstarfi milli aðila.

Nýsköpun byrjar á því að greina þarfir og áskoranir, ekki á því að finna lausn strax. Þegar opinberir aðilar skilgreina vandamál skýrt og leita nýrra leiða til að takast á við þau geta þeir bætt þjónustu, aukið skilvirkni og nýtt fjármagn betur.

Í sumum tilvikum er hægt að aðlaga lausnir sem þegar eru til á markaði að þörfum hins opinbera. Í öðrum tilvikum þarf að þróa nýjar lausnir frá grunni.

Á þessum vef finnur þú upplýsingar, leiðbeiningar og stuðning fyrir opinbera aðila sem vilja nýta nýsköpun í starfsemi sinni. Einnig eru hér upplýsingar fyrir fyrirtæki sem vilja taka þátt í að þróa lausnir á áskorunum hins opinbera.

Ráðgjöf og stuðningur

Þú getur óskað eftir stuttum kynningarfundi með sérfræðingi hjá Fjársýslunni um opinbera nýsköpun. Á fundinum er hægt að ræða tækifæri, áskoranir og mögulegar leiðir til að nýta nýsköpun í starfsemi þinnar stofnunar.

Bóka fund