Fjársýsla ríkisins (Fjársýslan) er þjónustu- og þekkingarstofnun á sviði opinberra fjármála. Fjársýslan leggur áherslu á að skapa virði fyrir viðskiptavini og greiða leið fyrir bætta þjónustu ríkisins.
Stofnunin veitir ríkisaðilum fjölbreytta þjónustu og ráðgjöf á sviði fjármála, innkaupa og mannauðsmála. Þar má til dæmis nefna
bókhald
uppgjör
innheimtu og greiðslustýringu
launaafgreiðslu
ráðgjöf á sviði mannauðsmála
opinber innkaup
Fjársýsla ríkisins rekur og þróar miðlæg fjárhags- og mannauðskerfi ríkisins. Áhersla er á sjálfvirknivæðingu og einföldun ferla ásamt úrvinnslu og framsetningu gagna.
Nánar um hlutverk Fjársýslunnar:
Fjársýslan sinnir miðlægum verkefnum á sviði bókhalds og fjárstýringar ríkisins. Þau fela meðal annars í sér:
bókhald og uppgjör
greiðsluþjónustu og innheimtu
afstemmingar
ráðgjöf um bóhald og fjárreiður ríkisaðila.
Fjársýslan annast einnig gerð ríkisreiknings og ársreikninga ríkisaðila í A1-hluta ríkissjóðs. Öðrum ríkisaðilum er veitt þjónusta við uppgjör samkvæmt þjónustusamningum.
Fjársýslan rekur og þróar miðlæg fjárhags- og mannauðskerfi ríkisins.
Fjárhags- og mannauðskerfið Orri er lykilkerfi sem styður við bókhald, laun og mannauðsmál ráðuneyta og stofnana. Fjársýslan rekur kerfið og veitir þjónustu við stofnanir sem nota það.
Miðlæg kerfi stuðla að samræmdum og áreiðanlegum gögnum þvert á ríkisstofnanir.
Fjársýslan sinnir launaþjónustu fyrir ríkisstofnanir og ráðuneyti.
Þjónustan felur meðal annars í sér:
framkvæmd launakeyrslna
umsjón með miðlægu launa- og mannauðskerfi ríkisins
viðhald launataxta og launataflna samkvæmt gildandi kjarasamningum
skil á launatengdum gjöldum og sköttum.
Markmiðið er að rétt laun séu greidd á réttum tíma.
Fjársýslan veitir ríkisaðilum ráðgjöf og leiðbeiningar um mannauðsmál, meðal annars um:
ráðningar og skipulag
vinnutíma
veikindarétt
starfsþróun
orlof og leyfi
starfslok.
Fjársýslan heldur einnig úti Mannauðstorgi ríkisins. Þar geta ríkisaðilar nálgast upplýsingar og leiðbeiningar um mannauðs- og launamál.
Fjársýslan gegnir miðlægu hlutverki í opinberum innkaupum.
Fjársýslan:
annast útboð og miðlæga samninga
veitir ráðgjöf við undirbúning og framkvæmd innkaupa
styður ríkisaðila við hagkvæma nýtingu opinbers fjár.
Ríkisaðilar í A1- og A2-hluta ríkissjóðs skulu annast útboðsskyld innkaup sín í gegnum Fjársýsluna samkvæmt gildandi reglum um fyrirkomulag innkaupa ríkisins.
Fjársýsluskólinn styður við fræðslu og starfsþróun starfsfólks ríkisins.
Markmið skólans er að efla þekkingu og fagmennsku og stuðla að samræmdum verkferlum innan ríkisstofnana.
Fjársýslan styður við nýsköpun í opinberri starfsemi með ráðgjöf, fræðslu og vettvangi fyrir þróun nýrra og breyttra aðferða.
Markmiðið er að þróa lausnir og aðferðir sem skapa aukið virði í opinberri þjónustu og starfsemi.
Áherslur Fjársýslunnar
Fjársýslan leggur áherslu á:
skýra og gagnsæja ferla
áreiðanlega og skilvirka grunnþjónustu
stafrænar lausnir
virðisaukandi ráðgjöf
stöðugar umbætur.
Fjársýslan vinnur jafnframt að bættu aðgengi að upplýsingum, samræmdri þjónustu og auknu framboði fræðslu, leiðbeininga og stafrænna lausna fyrir ríkisaðila.
