Leyfi innan netlaga - Þang

Leyfi til öflunar sjávargróðurs innan netlaga er bundið við skip eða sléttupramma

Skip hafi leyfi til veiða í atvinnuskyni.
Sléttuprammi hafi gilt haffærisskírteini.
Samkomulag og samþykki ábúanda eða landeiganda, samkvæmt 7. grein c. jarðalaga, liggi fyrir.
Umsækjandi þarf að gera nýtingaráætlun um öflun sjávargróðurs til að minnsta kosti fimm ára og hafa fengið umsögn um áætlunina frá Hafrannsóknastofnun og Náttúrufræðistofnun.

Gildistími leyfisins er allt að 5 ár og er óskiptanlegt og óframseljanlegt.

Við löndun og skráningu sjávargróðurs gilda eftirfarandi reglur:

Allan sjávargróður skal vigta á hafnarvog.
Skila skal afladagbók fyrir hverja veiðiferð áður en skip eða sléttuprammi leggst að bryggju.
Við vigtun og skráningu sjávargróðurs gilda ákvæði reglugerðar um vigtun og skráningu sjávarafla.
Skráning afla úr sjávargróðri skal fara fram samkvæmt reglugerð um stafræna skráningu og skil aflaupplýsinga.

Öflun er undanþegin veiðigjaldi en ekki af hrossaþara og stórþara.

Senda á umsókn á netfangið fiskistofa@fiskistofa.is.

Í umsókn þarf að koma fram:

Eftirfarandi gögn skulu fylgja umsókn:

Samkomulag og samþykki ábúanda eða landeigenda samkvæmt 7. grein c. jarðalaga.
Nægilegt er að meiri hluti eigenda veiti samþykki ef samkomulagið er ekki til lengri tíma en tíu ára, samkvæmt 2. málsgrein 7. greinar c. jarðalaga.
Nýtingaráætlun sem fengið hefur umsögn frá Hafrannsóknastofnun og Náttúrufræðistofnun.
- Umsagnirnar eiga að fylgja áætluninni.

Í nýtingaráætluninni á að koma fram:

hvaða skip eða sláttuprammi verði hagnýtt við öflun,
hversu miklu magni verði aflað,
hvar öflun fer fram og, eftir atvikum, hvaða svæði verða hvíld til að stuðla að endurvexti,
athugasemdir Hafrannsóknastofnunar og Náttúrufræðistofnunar Íslands, greiningu á þeim og hvernig brugðist hefur verið við þeim.

Áætlunin á að byggja á mati á lífmassa og líklegu aðgengi.

Einnig skal leitast við að gera grein fyrir áhrifum nýtingar á umhverfið með hliðsjón af þeim tækjum og aðferðum sem verða nýtt við öflun.

Leyfið kostar 22.000 krónur og innheimtist með greiðsluseðli í heimabanka umsækjanda.

Þjónustuaðili