Fara beint í efnið

Greiðsluþátttökukerfi - hvað þarf að borga fyrir heilbrigðisþjónustu?

Dæmi um útreikning

Verðin í dæminu eru miðuð við einstakling sem greiðir almennt verð. Önnur verð gilda fyrir eldri borgara, öryrkja og börn.

Upphaf þjónustu

  • Einstaklingur nýtir heilbrigðisþjónustu í fyrsta sinn í 6 mánuði. Gjaldið fyrir þjónustuna er 35.000 krónur.
    - Hann borgar aðeins hámarksupphæðina 27.475 krónur.

  • Í næsta mánuði þarf hann að fara í rannsókn sem kostar 47.000 krónur.
    - Þá borgar hann aðeins 4.579 krónur.

  • Síðar í sama mánuði kemur hann aftur til læknis og komugjaldið er 3.500 krónur.
    - Þá greiðir hann ekkert fyrir þá heimsókn þar sem hann er búin að ná hámarksgreiðslu þess mánaðar.

Þjónusta á ný eftir nokkra mánuði

Nú þarf þessi einstaklingur ekki að nýta heilbrigðisþjónustu aftur fyrr en að tveimur mánuðum liðnum. Þá safnast þetta upp og hámarksgjaldið fyrir næstu heimsókn verður 2x 4.579 krónur eða 9.158 krónur.

  • Tveimur mánuðum síðar fer hann í rannsókn sem kostar 8.000 krónur.
    - Þá greiðir hann allt gjaldið, 8.000 krónur.
    - Mismunurinn 9.158 - 8.000 = 1.158 krónur færist yfir á næsta skipti sem hann þarf að greiða.

  • Í næsta mánuði á eftir fer hann til læknis og gjaldið er 15.000 krónur.
    - Þá greiðir hann 4.579 + 1.158 = 5.737 krónur.

  • Nýti þessi einstaklingur sér ekki heilbrigðisþjónustu næstu mánuði hækkar gjaldið sem hann þarf að greiða næst um 4.579 krónur í hverjum mánuði. Eftir 6 mánuði er hámarkinu náð, 6x4.579 = 27.475 krónur og þá hækkar gjaldið ekki meira þó fleiri mánuðir líði.