Almenn greiðsluþátttaka einstaklings: 

Aldraðir 67 ára og eldri, örorkulífeyrisþegar, börn og ungmenni yngri en 22 ára 

Greiðsluþrepin eiga bara við um lyf sem Sjúkratryggingar niðurgreiða (almennt eða vegna lyfjaskírteinis). 

Sjúkratryggingar fá daglega upplýsingar um greiðslur einstaklinga í apótekum. Ef einstaklingur hefur greitt of mikið fyrir lyf eða ef réttindastaða hans hefur breyst á 12 mánaða tímabilinu þá endurreiknast greiðslustaða sjálfvirkt einu sinni í viku. 

Endurgreiðsla er lögð inn á bankareikning einstaklingsins og hann fær tilkynningu í tölvupósti.  

Á Mínum síðum er reiknivél þar sem hægt er að reikna út áætlaðan lyfjakostnað miðað við þrepastöðu einstaklings. 

Einungis þarf að finna lyfið og smella á Velja+ og niðurstöður sýna hvað lyfið ætti að kosta. 

Fyrirvari um niðurstöður: Reiknivélin sýnir áætlaðan lyfjakostnað og er eingöngu hugsuð til leiðbeiningar.  

Lyfjaskírteini veita greiðsluþátttöku í lyfjum sem annars eru ekki með greiðsluþátttöku. Telji læknir að einstaklingur uppfylli skilyrði samkvæmt gildandi vinnureglum getur hann sótt um lyfjaskírteini rafrænt. 

Ef lyfjaskírteinið er samþykkt þá er greitt sama hlutfall af því lyfi og öðrum lyfjum miðað við stöðu einstaklingsins í þrepakerfinu. 

Alltaf er hægt að sjá upplýsingar um stöðu lyfjaskírteinis á Mínum síðum. Einnig er hægt að sjá lyfjaskírteini fyrir börn með því að skipta yfir á þeirra síðu í Mínum síðum.  

Hvernig er ferlið? 

Ef það þarf að endurnýja lyfjaskírteini þá sendir læknir inn aðra umsókn.  

Ef umsókninni var hafnað kemur bréf í Stafræna pósthólfið á Mínum síðum sem gefur upp ástæðu. 

Leyfisskyld lyf eru lyf sem þurfa að fá samþykki frá Lyfjanefnd Landspítalans.  

• Þau eru almennt kostnaðarsöm eða vandmeðfarin. 

• Þau þurfa sérfræðiþekkingu og oft þarf heilbrigðisstarfsfólk að sjá um inngjöf lyfsins og eftirlit með sjúklingi og notkun lyfsins. 

Læknir sendir umsókn til lyfjanefndar sem tekur ákvörðun um hvort notkun lyfsins fyrir einstaklinginn sé samþykkt. 

Ef lyfjanefnd samþykkir notkunina þá mun einstaklingurinn ekki greiða neitt fyrir lyfið. 

Lyf sem eru ófáanleg hjá heildsölum fara á biðlista. 

Biðlisti lyfja. 

Á heimasíðum dreifingaraðila lyfja er hægt að sjá hvenær lyfin eru væntanleg. 

Tekjulágir einstaklingar sem hafa orðið fyrir miklum útgjöldum vegna læknishjálpar, lyfja eða þjálfunar geta átt rétt á endurgreiðslu á hluta kostnaðar hjá Tryggingastofnun ríkisins.  

Greiðsludreifing 

Einstaklingar sem eiga í erfiðleikum með að greiða lyf vegna lágra tekna eða óvænts lyfjakostnaðar geta dreift greiðslum.  

• Kostnaðardreifingin er einstaklingum að kostnaðarlausu. 

• Einstaklingur gerir samning um greiðsludreifingu við lyfsala.  

• Samningur um greiðsludreifingu gildir um lyf sem eru með greiðsluþátttöku Sjúkratrygginga.  

• Hægt er að dreifa á 2-3 greiðslur í byrjun 12 mánaða greiðslutímabils 

Greiðslur: 

• Kostnaður hærri en 8.000 krónur er hægt að skipta á tvær greiðslur. 

• Kostnaður hærri en 15.000 krónur er hægt að skipta á þrjár greiðslur. 

• Lágmarksgreiðsla er aldrei lægri en 4.000 krónur.