Fara beint í efnið

Greiðsluþátttaka vegna sjúkraþjálfunar

Sjúkratryggður einstaklingur sem þarf á þjálfun að halda á rétt á allt að 15 nauðsynlegum meðferðarskiptum á 365 dögum talið frá fyrsta meðferðarskipti.  Sjúkratryggður á einnig rétt á nauðsynlegri viðbótarþjálfun hafi Sjúkratryggingar samþykkt slíka meðferð.

Greiðsluþátttaka Sjúkratrygginga og göngudeilda heilbrigðisstofnana vegna þjálfunar fer eftir gildandi reglugerð sem gefin er út af heilbrigðisráðuneyti. Sjá gjaldskrá.

Sjúkraþjálfarar sem starfa utan samnings

Sjúkraþjálfarar sem starfa á einkareknum stofum sögðu sig af samningi við stofnunina í febrúar 2020. Þar sem ekki eru samningar á milli aðila er greiðsluþáttaka Sjúkratrygginga vegna þeirra þjónustu samkvæmt reglugerð um endurgreiðslu kostnaðar vegna þjónustu sjúkraþjálfara sem starfa utan samnings.

Vakin er athygli á því að greiðsluþátttaka Sjúkratrygginga er samkvæmt gjaldskrá stofnunarinnar.

Ef sjúkraþjálfari krefur sjúkling um aukagjald umfram það sem segir í gjaldskrá þá ganga þau gjöld ekki upp í greiðsluþátttökukerfið. 

Fyrirspurnir vegna sjúkraþjálfunar er hægt að senda á netfangið: thjalfun@sjukra.is einnig  er hægt að hafa samband í síma 515 0000 eða 515 0004.



Þjónustuaðili

Sjúkra­trygg­ingar