Sjúkratryggingar taka þátt í kostnaði við sjúkraþjálfun.  Niðurgreiðslur vegna sjúkraþjálfunar eru inni í greiðsluþátttökukerfinu.  

Fjöldi tíma 

• Einstaklingar geta fengið 6 tíma hjá sjúkraþjálfara niðurgreidda án læknisbeiðni. 

• Einstaklingar með læknisbeiðni geta fengið 15 tíma hjá sjúkraþjálfara á 12 mánaða tímabili.  

Ef þörf er á fleiri tímum þá þarf sjúkraþjálfari að sækja um það sérstaklega.  

Heimaþjónusta sjúkraþjálfara 

Heimasjúkraþjálfun er nauðsynleg meðferð fyrir einstakling sem er þannig líkamlega á sig kominn að hann kemst ekki í meðferð á stofu. Sjúkraþjálfari sækir fyrir fram um þátttöku Sjúkratrygginga í kostnaði. 

Sjúklingur greiðir sama gjald fyrir heimasjúkraþjálfun og sjúkraþjálfun á stofu. 

Sjúkratryggingar mega fella niður gjald sjúklings ef um er að ræða mjög alvarlegt sjúkdómsástand. 

Dæmi um alvarlegt sjúkdómsástand: 

• Krabbamein 

• Parkinsonssjúkdómur á lokastigi 

• Mjög alvarleg fötlun 

Sjúkratryggingar taka þátt í kostnaði við iðjuþjálfun hjá Gigtarfélagi Íslands og Sjálfsbjörg á Akureyri.  

Niðurgreiðslur vegna iðjuþjálfunar eru inni í greiðsluþátttökukerfinu.  

Hvernig er ferlið? 

• Læknir þarf að greina sjúkdóm sem þarfnast iðjuþjálfunar. 

• Læknir gefur út beiðni um iðjuþjálfun. 

• Einstaklingur fer í iðjuþjálfun hjá Gigtarfélagi Íslands eða Sjálfsbjörg á Akureyri 

Fjöldi tíma 

• Ef þjálfunarbeiðni er samþykkt þá fær einstaklingur 15 tíma í iðjuþjálfun á hverju 12 mánaða tímabili.  

• Ef þörf er á fleiri tímum þá þarf iðjuþjálfari að sækja um það sérstaklega. 

Sjúkratryggingar taka þátt í kostnaði við talþjálfun ef viss skilyrði eru uppfyllt.  

Skilyrði eru: 

• Sjúkdómsgreining þarf að koma frá lækni. 

• Skrifleg þjálfunarbeiðni þarf að koma frá talmeinafræðingi sem er á samning við Sjúkratryggingar. 

Niðurgreiðslur vegna talþjálfunar eru inni í greiðsluþátttökukerfinu.  

Hvernig er ferlið? 

• Læknir þarf að greina sjúkdóm sem þarfnast talþjálfunar. 

• Læknir gefur út beiðni um talþjálfun. 

• Einstaklingur fer til talmeinafræðings sem er á samning við Sjúkratryggingar. 

• Talmeinafræðingur sendir þjálfunarbeiðnina til Sjúkratrygginga. 

• Sjúkratryggingar samþykkja eða synja beiðninni. 

Upplýsingar um starfandi talmeinafræðinga má finna á heimasíðu talmeinafræðinga. 

Börn með minni frávik 

Sveitarfélög sinna börnum með minni frávik vegna talmeina sem uppfylla ekki skilyrði Sjúkratrygginga. 

Fjöldi tíma 

• Ef þjálfunarbeiðni er samþykkt þá fær einstaklingur 15 tíma í talþjálfun á hverju 12 mánaða tímabili.  

• Ef þörf er á fleiri tímum þá þarf talmeinafræðingur að sækja um það sérstaklega.  

Greining og ráðgjöf 

Sjúkratryggingar niðurgreiða einnig: 

• 1 greiningu á hverju 12 mánaða tímabili. 

• 2 tíma í ráðgjöf.  

Sjúkratryggingar veita ekki styrki til talþjálfunar hjá talmeinafræðingum sem starfa án samnings.