Sjúkratryggingar
Sálfræðiþjónusta
Sjúkratryggingar hafa heimild til að greiða niður sálfræðiþjónustu við viss skilyrði.
Einstaklingur þarf að fá tilvísun um þörf á sálfræðiþjónustu.
Einstaklingur þarf að fara til sálfræðings sem er á samning við Sjúkratryggingar.
Tilvísanir þurfa að vera frá:
Heilsugæslu. Ef barn eða fullorðinn þarf sálfræðiþjónustu vegna kvíðaröskunar eða þunglyndis.
Þverfaglegu greiningarteymi eða barnageðlækni. Ef barn er með alvarlegar geð-, hegðunar og þroskaraskanir.
Foreldrum og forráðamönnum er bent á að kynna sér hvaða sálfræðingar hafa heimild samkvæmt rammasamningnum til að sinna börnum með alvarlegar geð-, hegðunar- og þroskaraskanir.
Þverfagleg greiningarteymi
Geðheilsumiðstöð barna
Barna og unglingageðdeild Landspítala
Heilbrigðisstofnun Suðurlands
Barnaspítali Hringsins
Sjúkrahúsið á Akureyri
Ráðgjafar- og greiningarstöð ríkisins
Hvað gilda tilvísanir lengi?
Tilvísunin gildir í 12 mánuði eftir fyrsta meðferðartíma. Það þarf að hafa virka tilvísun til að Sjúkratryggingar greiði niður sálfræðikostnað.
Hvað er greitt fyrir marga meðferðartíma hjá sálfræðingi?
Börn: Mest 10 tímar.
18 ára og eldri: Mest 12 tímar.
Til að koma á móti við vaxandi þörf ungs fólks fyrir sálfræðiþjónustu er áhersla lögð á að þau njóti forgangs að þjónustunni.
Ef þú finnur ekki þær upplýsingar sem þig vantar þá geturðu sent Sjúkratryggingum fyrirspurn