Vinna unglinga er almennt leyfð þegar skyldunámi þeirra sleppir en reglugerð um vinnu barna og unglinga kveður á um þau störf sem þeim er óheimilt að sinna, samanber viðauka 1A, 2 og 3.
Vinnutími unglinga sem ekki eru í skyldunámi má að hámarki vera:
8 klukkustundir á dag
40 klukkustundir á viku
Þegar vinna unglinga er liður í verklegu eða fræðilegu námi telst sá tími sem fer í kennslu til daglegs og vikulegs vinnutíma.
Hlé
Ef daglegur vinnutími er lengri en 4 klukkustundir á unglingur rétt á að lágmarki 30 mínútna hléi á hverjum degi, sem skal vera samfellt ef kostur er.
Unglingar mega almennt ekki vinna frá klukkan 22 til 6.
Undanþágur frá þeirri meginreglu eru eftirfarandi:
störf í bakaríi frá klukkan 4:00
störf á sölu- og veitingastöðum, kvikmynda- og leikhúsum eða við sambærilega starfsemi til klukkan 24:00
vinna við menningar, íþrótta og auglýsingastarfsemi en þar gilda sömu reglur og fyrir fullorðna.
Þó skal ávallt haga vinnutíma og vinnutilhögun þannig að skólaganga raskist ekki.vinna á sjúkrastofnunum eða á sambærilegum stofnunum en heimilt er að vinna á milli klukkan 24:00 og 4:00 enda verði gætt sérstaklega að daglegum og vikulegum hvíldartíma.
Unglingur skal eiga rétt á heilbrigðisskoðun vinni hann næturvinnu, frá 22:00-6:00, nema aðeins sé unnin næturvinna í undantekningartilvikum.
Unglingur þarf að lágmarki 12 klukkustunda samfellda hvíld á sólarhring.
Heimilt er að víkja frá því þegar um er að ræða vinnu sem skipt er upp yfir daginn og varir í stuttan tíma hverju sinni.
Á hverju 7 daga tímabili skal unglingur fá að lágmarki 2 daga hvíld.
Æskilegt er að dagarnir séu samfelldir ef unnt er og að jafnaði taka til sunnudaga, nema tæknilegar og skipulagslegar ástæður réttlæta annað. Í þeim tilvikum má hvíldin þó aldrei vera styttri en 36 samfelldar stundir.
Undantekning
Heimilt er að víkja frá almennu reglunni um vikulegan hvíldartíma þegar um er að ræða:
störf á sjúkrastofnunum eða á sambærilegum stofnunum
störf við landbúnað eða ferðamál
vinnu við hótel- og veitingarekstur
aðra vinnu, sem er skipt upp yfir daginn og fyrir því séu réttmætar ástæður
Þá þurfa unglingar að fá samsvarandi uppbótarhvíld og í síðasta lagi þannig að hann fái 2 samfellda frídaga á hverjum 14 dögum.
Unglingar mega sinna ákveðnum störfum sem annars eru þeim bönnuð þegar umrædd störf eru nauðsynlegur hluti af iðn- og starfsnámi.
Það getur átt við störf við hættulega vélar, hættuleg verkefni og hættuleg efni. Vinnan fer þá fram undir ströngu eftirliti hæfra einstaklinga sem gæta ýtrasta öryggi.
Vélar og tæki
Nokkrar undantekningar gilda þegar barn hefur náð 15 ára aldri.
Börn sem eru 15 ára og eldri og starfa hjá fjölskyldufyrirtæki mega vinna við ákveðnar vélar og tæki sem annars eru bönnuð. Til fjölskyldufyrirtækja telst til dæmis fyrirtæki foreldra, ömmu og afa og systkina foreldra.
Tækin sem um ræðir eru:
dráttarvélar sem eru beintengdar vögnum eða tækjum án drifskafts
garðsláttuvélar á hjólum með haldrofa þar sem stjórnandinn gengur á eftir vélinni
garðsláttuvél með sæti fyrir stjórnandann. Vélin skal útbúin þannig að hreyfillinn stöðvast ef stjórnandinn fer úr stjórnsætinu
Störf sem eru hluti af vinnuskóla og eru unnin undir leiðsögn leiðbeinanda:
sláttur í görðum með vélknúinni handsláttuvél með haldrofa. Nota skal öryggisskó, heyrnarhlífar og andlitshlífar
sláttur með vélorfi í görðum. Nota skal öryggisskó, heyrnarhlífar og andlitshlífar
dreifing tilbúins áburðar með handafli
burður húsdýraáburðar að plöntum
aðstoð á gæsluvöllum og í skólagörðum
Dráttarvélar, sem eru beintengdar vögnum eða tækjum án drifskafts, enda sé viðkomandi með sérstök réttindi til að aka dráttarvél
Lyftarar sem ekki eru vélknúnir
Garðsláttuvélar
Bandslípivélar og heftibyssur með þyngd heftis yfir 0,3 gr
Bónvélar
Vinna með háþrýstitæki með styrk þrýstings allt að 150 bör (15 Mpa)
Flokkunarvélar og þvottavélar til dæmis fyrir kartöflur notaðar við bústörf
Stingsagir
Léttir rafmagnshögghamrar að hámarki í 30 mínútur á dag þegar styrkur sveiflunnar er yfir 130 dB
Þjónustuaðili
Vinnueftirlitið