Veiðist eldisfiskur?

Ef grunur er um að eldisfiskur hafi veiðst óskar Fiskistofa eftir því að fá tilkynningu senda á netfangið fiskistofa@fiskistofa.is eða í síma 569 7900 á skrifstofutíma.

Við tilkynningu þarf að gefa upp:

• Hvar fiskurinn veiddist

• Dagsetningu

• Tegund fisks

• Kyn (ef vitað)

• Lengd

• Þyngd

Einkenni eldislaxa

Strokulax úr eldi má þekkja á einu eða fleiri af eftirfarandi einkennum:

• Skemmdir á uggum og sporði

• Eyddar eða skemmdar tálknbárur

• Breytt lögun trjónu

• Kubbslegur vöxtur

Nánari upplýsingar um einkenni eldisfiska má sjá í bæklingi um viðbrögð við veiði á eldisfiski.

Skil á fiski til greiningar

Æskilegt er að koma fiskinum til greiningar hjá Fiskistofu eða Hafrannsóknastofnun:

• Ferskum eða frosnum

Uppruni fisks er metinn út frá:

• Útlitseinkenni

• Erfðagreiningu

Ef ekki er hægt að skila fiski

Ef ekki er hægt að afhenda fiskinn má senda Fiskistofu eða Hafrannsóknastofnun hreistursýni til greiningar ásamt því að senda tölvupóst með mynd af fiskinum.

Framkvæmd töku á hreistursýni:

• Nota á hreinan hníf við sýnatökuna

• Skafa á um 20 hreistur af viðeigandi svæði á fiskinum

• Setja í hreisturpoka eða annað pappírsumslag