Tilkynning um beitingu nauðungar í neyðartilfelli, í þjónustu við fatlað fólk

Sérfræðiteymi um aðgerðir til að draga úr nauðung við fatlað fólk starfar samkvæmt lögum um réttindagæslu fyrir fatlað fólk.

Samkvæmt lögunum er óheimilt að beita nauðung í þjónustu við fatlað fólk nema til að koma í veg fyrir að einstaklingur valdi sjálfum sér eða öðrum líkamstjóni eða stórfelldu eignatjóni, eða til að uppfylla grunnþarfir viðkomandi.

Ef nauðung hefur verið beitt skv. tímabundnu leyfi undanþágunefndar sem skipuð er samkvæmt 15. gr. laga nr. 88/2011 um réttindagæslu fyrir fatlað fólk skal tilkynna það til sérfræðiteymis.