Námsstyrkur til framhaldsnáms í Bretlandi

UK-Iceland Explorer námsstyrkir eru ætlaðir íslenskum nemendum sem stefna á framhaldsnám á háskólastigi í Bretlandi.

Markmiðið með UK-Iceland Explorer námsstyrkjasjóðnum er að efla samstarf milli Bretlands og Íslands á sviði háskólamenntunar. Sjóðurinn styður íslenska nemendur sem vilja stunda nám í Bretlandi, styrkir vísinda- og rannsóknarsamfélag landanna og leggur grunn að frekara tvíhliða rannsóknarsamstarfi milli þeirra.

Styrkir eru veittir til náms á öllum fræðasviðum. Þó er forgangur veittur námi á sviði geimvísinda og skyldra greina.