UK-Iceland Explorer námsstyrkjasjóðurinn
UK-Iceland Explorer námsstyrkir eru ætlaðir íslenskum nemendum sem stefna á framhaldsnám á háskólastigi í Bretlandi.
Styrkveitingar UK-Iceland Explorer námstyrkjasjóðsins
Markmiðið með UK-Iceland Explorer námsstyrkjasjóðnum er að efla samstarf milli Bretlands og Íslands á sviði háskólamenntunar. Sjóðurinn styður íslenska nemendur sem vilja stunda nám í Bretlandi, styrkir vísinda- og rannsóknarsamfélag landanna og leggur grunn að frekara tvíhliða rannsóknarsamstarfi milli þeirra.
Styrkir eru veittir til náms í öllum fræðigreinum. Forgangur er veittur námi á sviði geimvísinda og skyldra greina.
Geimferðastofnun Bretlands, UK Space Agency, veitir styrkina í samstarfi við Rannís og breska sendiráðið í Reykjavík.
Auglýst er eftir umsóknum einu sinni á ári. Umsóknarfrestur er í janúar ár hvert.
Hvernig er sótt um?
Umsóknum skal skila á rafrænu formi í gegnum umsóknarform UK-Iceland Explorer Fund.
Umsóknarformið má nálgast hér: UK-Iceland Explorer Application Form 2026
Fylgigögn og fyrirspurnir skal senda á netfangið harpa.s.arnarsdottir@rannis.is
Einnig má hafa samband í síma 515 5875.
Vitnisburður styrkþega
Katrín Lea Elenudóttir, sem lauk nýverið meistaranámi í friðar- og öryggisfræðum við King’s College London, er ein þeirra sem hefur nýtt sér UK–Iceland Explorer námsstyrkinn fyrir framhaldsnám í Bretlandi.
Þjónustuaðili
Rannsóknamiðstöð Íslands