Verkefnastyrkur Sprotasjóðs leik- grunn- og framhaldsskóla

Auglýst er eftir umsóknum einu sinni á ári. Umsóknarfrestur er í byrjun hvers árs (lok janúar eða fyrri hluta febrúar).

Sprotasjóður er sameiginlegur sjóður fyrir leik-, grunn- og framhaldsskóla og styður við fjölbreytt verkefni tengd þróun og nýjungum í skólastarfi í samræmi við stefnu stjórnvalda (menntastefna til ársins 2030) og aðalnámskrá.

Hvað er ekki styrkt?

• Kjarnastarfsemi eða reglubundinn rekstur.

• Vinna starfsmanna í verkefni – nema ljóst þyki af lýsingu að sú vinna falli utan starfssviðs og sé viðbót við starfsskyldu en ekki hluti af henni. Sé verkefnið hluti af vinnu starfsmanns er kostnaður sem af því hlýst skráður sem mótframlag.

• Tækjakaup eða uppbygging aðstöðu – nema að takmörkuðu leiti ef verkefni eru háð því og ljóst þyki að sá kostnaður falli ekki undir kjarnastarfsemi eða reglubundinn reksturs.

Bent er á að úthlutaðar upphæðir úr Sprotasjóði síðustu ár hafa almennt verið á bilinu 500 þúsund til 5 milljónir.

Ráðleggingar til umsækjenda

• Kynnið ykkur leiðbeiningar vegna umsókna.

• Stofnið umsókn tímanlega.

• Ekki skila umsókn á síðasta degi.

Á gagnatorgi Rannís er hægt að sjá yfirlit yfir styrkt verkefni frá árinu 2022. Með því að velja númer verkefnis fremst í yfirliti fást nánari upplýsingar um valið verkefni.

Almennt á námsgagnagerð betur heima í Þróunarsjóði námsgagna.