Rannsóknarstyrkur Heilbrigðisvísindasjóðs

Verkefnisstjórar (Project Leader, PL) og aðalumsækjendur (Principal Investigator, PI) um styrki Heilbrigðisvísindasjóðs þurfa að hafa lokið rannsóknartengdu námi við alþjóðlega viðurkennda háskóla.

Skilyrði er að verkefnisstjóri gegni stöðu eða hafi aðstöðu við íslenskan háskóla eða stofnun á fyrirhuguðu styrktímabili. Einungis er hægt að vera verkefnisstjóri eða aðalumsækjandi á einni umsókn. Meðlimir fagráðs og stjórnar Heilbrigðisvísindasjóðs geta ekki verið þátttakendur í umsókn til sjóðsins.

Eingöngu er tekið við umsóknum og fylgiskjölum í gegnum rafrænt umsóknarkerfi Rannís - Mínar síður Rannís. Ekki er hægt að skila inn umsókn nema öllum skyldureitum hafi verið svarað og nauðsynlegum fylgiskjölum hefur verið hlaðið upp.

Umsókn og fylgiskjöl skulu vera á ensku.

Handbók sjóðsins gildir fyrir árið 2026.

Fyrirspurnum má beina til sérfræðinga Heilbrigðisvísindasjóðs hjá Rannís á netfangið hvsjodur@rannis.is