• Sérstök neyðarmóttaka fyrir þolendur kynferðisofbeldis er opin allan sólarhringinn á Sjúkrahúsinu á Akureyri.

• Á heilsugæslustöðvum í heimabyggð er hægt að fá aðstoð og ráðleggingar.

• Hjálparsími 112 og vaktsími 1700 beina brotaþola utan dagvinnutíma til vakthafandi læknis/hjúkrunarfræðings á starfsstöðvum HSN sem aðstoðar við viðeigandi ráðstafanir hverju sinni.

Reyndu að leita aðstoðar sem fyrst. Það er best fyrir heilsu þína og mögulega rannsókn á brotinu.

Fyrstu sólarhringirnir eftir að brot er framið, er mjög mikilvægur tími sérstaklega varðandi lífsýnasöfnun ef ákveðið er að kæra brotið síðar.

• Gögnin/lífsýnin er þá hægt að nota til að styðja mál fyrir dómi. Með lífsýnum er átt við þau efni úr fólki sem getur veitt líffræðilegar upplýsingar um það.

• Gögn af staðnum sem atburðurinn átti sér stað og upplýsingar frá vitnum, ef vitni eru til staðar. 
  

Hægt er að leita til heilsugæslu á dagvinnutíma óhað tímalengd frá broti:

• til að fá ráðgjöf, stuðning, fræðslu og aðstoð við úrvinnslu

• vegna sýnatöku fyrir smitsjúkdómum, kynsjúkdómum, sýkingum, þungun eða öðru slíku

• hægt að fá tengingu við réttargæslumann sé þess óskað óháð tímalengd frá broti eða ákvörðun um kæru

• Sálfræðiþjónusta í gegnum neyðarmóttöku kynferðisofbeldis hjá Landsspítalanum.

• Neyðarmóttaka vegna kynferðisofbeldis: Hlutverk réttargæslumanna

• Úrræði fyrir þolendur kynferðisbrota utan heilsugæslu:

  • Bjarmahlíð

  • Aflið

  • Bjarkarhlíð

  • Stígamót

Á vef 112 er að finna góð ráð frá þolendum kynferðisofbeldis.