Skráning og breyting á heilsugæslu

Heilsugæslan er fyrsti viðkomustaður þeirra sem þurfa á heilbrigðisþjónustu að halda.  

Allir eiga að vera skráðir á heilsugæslustöð eða hjá sjálfstætt starfandi heimilislækni. 

Ef einstaklingur er ekki skráður á heilsugæslustöð þá er hann sjálfkrafa skráður á þá stöð sem er næst lögheimili hans. Hægt er að breyta skráningunni í aðra heilsugæslustöð eða til sjálfstætt starfandi heimilislæknis.  

Fyrstu 6 vikur eftir fæðingu eru börn skráð á þá stöð sem næst er lögheimili þar sem þau fara í ungbarnaeftirlit. Eftir þann tíma geta forráðamenn breytt skráningu. Börn geta verið skráð á aðra heilsugæslustöð en forráðamenn ef það hentar betur vegna ungbarnaverndar.

• Til þess að breyta skráningu á heilsugæslustöð er farið í Mínar síður á heimasíðu Sjúktratrygginga en Mínar síður heldur utan um og birtir upplýsingar og réttindi þín hjá Sjúkratryggingum.

• Undir Heilsa - Heilsugæsla birtist valmynd þar sem hægt er að sjá þá stöð sem einstaklingur er skráður á, ásamt því að breyta um skráningu á stöð.

• Valin er sú heilsugæslustöð eða sjálfstætt starfandi heimilislæknir sem hentar og valið staðfesta. Breytingin tekur gildi næsta virka dag. Aðeins er hægt að vera skráð/ur á einn stað hverju sinni. Um leið og skráningu er breytt fellur fyrri skráning úr gildi.

Með því að óska eftir breytingu á heilsugæslu er einnig verið að samþykkja að sjúkraskrárupplýsingar sem þig varðar séu færðar yfir á nýja heilsugæslustöð / sjálfstætt starfandi heimilislæknis.

Skoða skráningu á Mínum síðum. 

Heilsugæslustöðvar á höfuðborgarsvæðinu 

Þjónusta heimilislækna utan dagvinnutíma 

• Læknavaktin sér um móttöku og vitjanir eftir dagvinnutíma.  

• Upplýsinga- og ráðgjafarþjónusta er í síma 1770.