Heilbrigðisstofnun Norðurlands
Bólusetningar gegn Inflúensu
Boðið er upp á bólusetningar við inflúensu fyrir alla á heilsugæslustöðvum HSN.
Nauðsynlegt er að bóka bólusetningu á heilsugæslustöðvum. Hægt er að bóka:
Í gegnum Mínar síður Heilsuveru
Með símtali við sína heilsugæslustöð
Sóttvarnalæknir mælir með því að eftirtaldir áhættuhópar fái forgang við bólusetningar við inflúensu:
Fólk 60 ára og eldra.
Börn milli 6 mánaða og 5 ára aldurs.
Börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum og öðrum ónæmisbælandi sjúkdómum.
Barnshafandi einstaklingar.
Heilbrigðisstarfsfólk sem annast fólk í áhættuhópum.
Fólk sem telst í áhættu á samsmiti inflúensu og fuglainflúensu vegna starfs síns, samkvæmt skilgreiningu sóttvarnalæknis.
Fólk í áhættuhópum greiðir ekki fyrir bólusetningu.
Nánar um bólusetningar gegn inflúensu hjá Embætti landlæknis