Heilbrigðisstofnun Austurlands annast heimahjúkrun. Skipulag þjónustu er metið í hverju tilviki fyrir sig og með hvaða hætti mögulegt er og hagstætt að veita heimahjúkrun. Heimahjúkrun er yfirleitt tímabundin þjónusta veitt í heimahúsi, yfirleitt á dagvinnutíma virka daga, en þjónustan getur einnig verið veitt á öðrum tímum.

Umsókn um heimahjúkrun fer fram í samvinnu við heimilislækni eða hjúkrunarfræðing á heilsugæslustöð.

Starfsmaður færni- og heilsumatsnefndar er Stefanía Stefánsdóttir sem svarar almennum fyrirspurnum um umsóknarferlið og umsóknir í vinnslu. Einnig er veitt ráðgjöf um val á hjúkrunarheimilum og þau úrræði sem bjóðast einstaklingum til stuðnings áframhaldandi búsetu á eigin heimili. 

Hægt er að bóka símatíma með því að hafa samband við heilsugæsluna á Seyðisfirði í síma 470 3060.

Alla jafna er miðað við að ekki líði meira en fjórar vikur frá því að nefndinni berst beiðni um færni-og heilsumat þar til að niðurstaða liggur fyrir. Starfsmaður nefndarinnar óskar eftir vottorðum frá fagfólki sem kemur að þjónustu við umsækjendur. Niðurstaða matsins er tilkynnt skriflega um leið og hún liggur fyrir. 

Nánari upplýsingar fást á netfanginu vistunarmat@hsa.is 

Þegar einstaklingur flytur á hjúkrunarheimili Heilbrigðisstofnun Austurlands biðjum við aðstandendur að fylla út spurningalista sem við köllum Lífssögu. Spurt er um ýmislegt sem hjálpar starfsfólki að kynnast einstaklingnum sem er að flytja á heimilið.

Upplýsingarnar nýtast til að nálgast einstaklinginn í umönnun í samræmi við venjur og gildi, eiga innihaldsrík samskipti og til að styðja einstaklinginn við iðju sem er innan áhugasviðs.

Starfsfólk getur veitt aðstoð eftir þörfum við útfyllingu blaðanna. Lífsöguform okkar er fenginn frá Alzheimersamtökunum með lítilsháttar breytingum. Það er best er að fylla út í alla þætti lífsögunnar en auðvitað er frjálst að sleppa út einstökum atriðum.