Fiskrækt

Með fiskrækt er leitast við að auka stærð fiskstofns í veiðivatni. Fiskrækt getur meðal annars falist í eftirfarandi aðgerðum:

• Hrognagröftur

• Seiðasleppingar

• Slepping fullorðinna fiska

Markmið fiskræktar er að hafa áhrif á náttúrulega ferla. Mikilvægt er þó að gæta þess að röskun á vistkerfum og náttúrulegum fiskstofnum sé sem minnst.

Fiskræktaráætlun

Veiðifélög eða veiðiréttarhafar sem hyggjast stunda fiskrækt þurfa að gera fiskræktaráætlun. Fiskistofa metur framlagða fiskræktaráætlun að fenginni umsögn Hafrannsóknastofnunar. Fiskistofa staðfestir fiskræktaráætlunina ef hún er ekki talin valda óásættanlegri röskun á vistkerfi viðkomandi veiðivatns.

• Staðfest fiskræktaráætlun gildir í fimm ár.

• Veiðifélag eða veiðiréttareigandi á að skila árlega upplýsingum um seiðasleppingar eða aðrar fiskræktaraðgerðir.

Flutningur fiska milli vatnakerfa

Bannað er að flytja fiska milli vatnakerfa.

Hægt er að sækja um undanþágu frá banninu til Fiskistofu. Með umsókn um undanþágu þarf að fylgja:

• Greinargerð um fyrirhugaðan flutning.

• Umsögn Fisksjúkdómanefndar

  • Fisksjúkdómanefnd metur hvort hætta sé á að sjúkdómar geti borist milli vatnakerfa með flutningi fiska.

• Umsögn Hafrannsóknastofnunar

  • Hafrannsóknastofnun metur áhrif flutnings á lífríki og vistkerfi.