Endurgreiðsla greiddrar staðgreiðslu

Sækja má um endurgreiðslu á greiddri staðgreiðslu ef fyrirsjáanlegt er að til endurgreiðslu komi í álagningu þegar tekjuárið hefur verið gert upp.

Aðeins er tekið er á móti umsóknum á tímabilinu frá 1. október til 1. mars á hverju ári.

Heimilt er að endurgreiða í sérstökum tilfellum ef staðgreiðsla er að minnsta kosti 20% hærri en væntanleg álagning skatta og gjalda.

Þau sérstöku tilfelli sem taka má til greina eru vegna:

• Náms

• Tekjuskerðingar

• Veikinda eða slysa

• Andláts maka

Endurgreiðsla vegna samsköttunar og millifærslu milli skattþrepa

Einnig má sækja um endurgreiðslu ef tekjur umsækjanda eru skattlagðar í hæsta skattþrepi en tekjur maka sem umsækjandi er samskattaður með ná ekki hæsta skattþrepi.

Sá tekjuskattur sem hefur verið staðgreiddur og dreginn af launum yfir árið er þá endurreiknaður með tilliti til færslu á milli skattþrepa hjá samsköttuðum.

Slík endurgreiðsla verður aldrei lægri fjárhæð en 50.000 kr. eða hærri fjárhæð en 300.000 kr.

Umsókn

Á umsókn þarf að koma fram rökstuðningur og fylgigögn til stuðnings.

Þegar umsókn er samþykkt er fjárhæð endurgreiðslu lögð inn á skráðan bankareikning. Bankaupplýsingar má skrá á þjónustuvef Skattsins.

Ítarefni

Endurgreiðsla staðgreiðslu – 18. gr. laga nr. 45/1987, um staðgreiðslu opinberra gjalda

Skattstigi manna – 4. tl. 1. mgr. 66. gr. laga nr. 90/2003, um tekjuskatt