Fara beint í efnið

Dagsektir og stjórnvaldssektir Matvælastofnunar

Sýslumaðurinn á Norðurlandi vestra  sér um innheimtu á eftirfarandi kröfum Matvælastofnunar:

  • Dagsektum 

  • Stjórnvaldssektum 

Innheimtuferli 

Þegar krafa er stofnuð birtist hún í heimabanka skuldara.  Innheimtubréf eru send í pósthólf viðkomandi á island.is.  
Ef krafan fæst ekki greidd 30 dögum eftir að innheimtubréf hefur verið sent og ekki er samið um kröfuna er greiðsluáskorun birt af stefnuvotti. 

Eftirfarandi úrræði koma til, til að knýja á um greiðslur:

Greiðsludreifing

Beiðni um greiðsludreifingu þarf að berast skriflega á  netfangið innheimta@syslumenn.is eða með bréfi til embættis sýslumannsins á Norðurlandi vestra. Lágmarksfjárhæð mánaðarlegra greiðslna í greiðsludreifingu er 10.000 krónur.

Athugið að hægt er að greiða kröfu á bankareikning  0159-26-267, kennitala 660914-0990. Tilgreina þarf kennitölu og nafn skuldara við greiðslu í banka.

Þá er einnig hægt að greiða með greiðslukorti.

Kæruleiðir

Hægt er að kæra niðurstöðu Matvælastofnunar til atvinnu- og nýsköpunarráðuneytisins innan 14 daga frá því að ákvörðun Matvælastofnunar um dagsektir var móttekin. 

Stjórnsýslukæra frestar ekki réttaráhrifum ákvörðunar en frestar aðför.  Hafi ákvörðun Matvælastofnunar verið kærð skal senda staðfestingu um það til Sýslumannsins á Norðurlandi vestra á netfangið innheimta@syslumenn.is

Dagsektir sem hafa ekki verið innheimtar falla niður ef sektarþoli verður síðar við kröfum  Matvælastofnunar.

Aðili sem ekki vill una ákvörðun Matvælastofnunar um stjórnvaldssekt getur höfðað mál til ógildingar fyrir dómstólum innan þriggja mánaða frá því að aðila var tilkynnt um ákvörðun Matvælastofnunar. Málshöfðun frestar hvorki réttaráhrifum ákvörðunar Matvælastofnunar né heimild til aðfarar. 

Upplýsingar um álagðar dagsektir er að finna á heimasíðu Matvælastofnunar