Viðhald á loftförum í almannaflugi

Viðhald og viðvarandi lofthæfi loftfara í almannaflugi

Eigandi eða umráðandi loftfars ber ábyrgð á að loftfarinu sé viðhaldið og að það sé lofthæft áður en því er flogið.
Viðhald skal framkvæmt samkvæmt viðeigandi viðhaldsáætlun, samþykktum viðhaldsgögnum og þeim reglum sem gilda um loftfarið.

Mismunandi reglur gilda eftir því hvort loftfarið fellur undir EASA-reglur eða íslenskar landsreglur.

Loftför sem falla undir EASA-reglur

Um viðvarandi lofthæfi EASA-loftfara gildir reglugerð nr. 926/2015, sem innleiðir reglugerð (ESB) nr. 1321/2014 með síðari breytingum.

Eftir tegund loftfars og starfsemi geta meðal annars eftirfarandi hlutar reglugerðarinnar átt við:

• Part-M

  – viðvarandi lofthæfi annarra loftfara en þeirra sem falla undir Part-ML,

• Part-ML

  – einfaldari og hlutfallslegri reglur fyrir tiltekin létt loftför,

• Part-145

  – samþykktar viðhaldsstöðvar,

• Part-CAMO

  – fyrirtæki sem annast stjórnun viðvarandi lofthæfis,

• Part-CAO

  – fyrirtæki sem annast viðhald og/eða stjórnun viðvarandi lofthæfis tiltekinna loftfara,

• Part-66

  – skírteini og réttindi vottaðs viðhaldsstarfsfólks.

Hvaða reglur gilda ræðst meðal annars af gerð og hámarksflugtaksmassa loftfars, því hvort loftfarið telst flókið vélknúið loftfar og hvort það er notað í atvinnuskyni.

Loftför sem falla undir íslenskar landsreglur

Um flugvélar og þyrlur sem falla utan gildissviðs EASA-reglna gilda íslenskar landsreglur, meðal annars:

• reglugerð nr. 694/2010 um almannaflug flugvéla

• reglugerð nr. 695/2010 um almannaflug þyrlna

með síðari breytingum.

Þar eru meðal annars ákvæði um ábyrgð á lofthæfi, viðhaldi, viðhaldsáætlanir, skráningu viðhalds og lagfæringu bilana.

Lög og reglur

• Reglugerð nr. 926/2015 um viðvarandi lofthæfi loftfara og flugtæknilegra framleiðsluvara, hluta og búnaðar og um samþykki fyrir viðhaldsstöðvum og starfsfólki á þessu sviði

• Reglugerð (ESB) nr. 1321/2014 um viðvarandi lofthæfi

• Reglugerð nr. 694/2010 um almannaflug flugvéla

• Reglugerð nr. 695/2010 um almannaflug þyrlna