Í ástandi eins og Grindvíkingar búa við núna þegar rýming er afstaðin og neyðarástand ríkir á svæðinu er viðbúið að fólk finni fyrir alls konar tilfinningum. Það er óþægilegt að finna fyrir vanmætti sínum gagnvart náttúrunni. Að búa við þá óvissu sem nú ríkir tekur á og þá er sérstaklega mikilvægt að huga að líðan sinni.  

Þegar þú upplifir náttúruhamfarir gætirðu: 

• fundist þú líkamlega og andlega örmagna

• átt erfitt með að taka ákvarðanir eða einbeita þér

• orðið auðveldlega pirruð/pirraður eða uppstökk/uppstökkur

• fundið fyrir þreytu, sorg, dofa, einmanaleika eða haft áhyggjur

• fundið fyrir breytingum á matarlyst eða svefnmynstri

• Mörg sveiflast í tilfinningum og líður mismunandi eftir atvikum 

   

Það sem þú getur gert: 

- Reyndu að einbeita þér að því að hafa stjórn á því sem er mögulegt í aðstæðunum.

- Hugaðu að næringu, hvíld og hreyfingu, þannig söfnum við orku. 

- Vertu í sambandi við fjölskyldu og vini. Að veita og fá stuðning er það mikilvægasta sem þú getur gert. 

- Vertu þolinmóð/ur við sjálfa/n þig og þau sem eru í kringum þig. Jarðhræringar sem þessar hafa mismikil áhrif á fólk en mörg gætu þurft smá tíma til að koma tilfinningum sínum í orð og ná tökum á hugsunum sínum. 

- Sýndu þér mildi, það er eðlilegt að finna fyrir allskonar tilfinningum við þessar aðstæður.  

- Reyndu að forgangsraða því sem þarf að gera og takast á við þau verkefni í litlum skrefum. 

- Ef þú finnur að streita og vanlíðan eru yfirþyrmandi og óviðráðanleg yfir lengri tíma þá geturðu leitað frekari aðstoðar í heilbrigðiskerfið.

Heimild: Vefsíða Rauða kross Íslands www.redcross.is

Börn upplifa erfið atvik á annan hátt en fullorðnir. Að upplifa náttúruvá getur orðið til þess að börn verða hrædd, ringluð og óörugg, sérstaklega ef þessi reynsla er ekki þeirra fyrsta. 

Börn geta ekki alltaf talað um áhyggjur sínar og birtast þær því stundum í hegðun barns. Sum bregðast strax við; önnur geta sýnt áhyggjur vikum eða mánuðum síðar. Það getur hjálpað foreldrum að þekkja merkin og bregðast við í samræmi við það. 

• Þau geta verið æstari eða sýnt aðra breytingu á hegðun

• Þau geta verið hændari að okkur, verið viðkvæm eða grátið oft

• Þau gætu þurft meiri athygli eða hughreystingu frá fullorðnum sem þau treysta, mikilvægt er að fullorðnir reyni að sýna stillingu, börn fylgjast með viðbrögðum þeirra og álykta hættu út frá því.

Hér eru nokkur ráð varðandi hvernig hægt er að tala við börn: 

• Veitið börnum tækifæri til að tala 

• Leyfðu börnunum að ræða ótta sinn og áhyggjur

• Spurðu þau hvað þau vilja vita

• Ekki vera hrædd/ur við að viðurkenna að þú hafir ekki öll svörin

• Svaraðu spurningum sem henta aldri þeirra og af heiðarleika

• Minnum okkur og þau á að landið okkar býr yfir þessum mikla krafti og kerfin okkar vinna að því að vernda okkur og finna leiðir. Við lærum inn á viðbrögð og bjargir og tökumst á við þetta saman.

Einnig er hægt að skoða þessa bæklinga frá Rauða Krossinum:

Íslenska - Stuðningur við börn

English - Supporting children in times of crisis

Polski - Wspieranie dzieci w czasach kryzysu

Hjálparsími Rauða krossins 1717

Netspjallið á 1717.is  Opið allan sólarhringinn.

Heimild: Vefur Rauða kross Íslands www.rki.is

Á vef embættis landlæknis má finna góð heilræði - Heilræði á óvissutímum | Embætti landlæknis (island.is)

Hér getur þú óskað eftir stuðningi, viðtölum hjá fagfólki eða fræðslu vegna jarðhræringana. Grindavíkurbær heldur utan um skráningu í fræðslu, viðtöl og er lagt upp með að stuðningurinn verði veittur af fagfólki í nærumhverfi barnanna.

Foreldrar geta skráð sig á fræðslunámskeið um líðan barna í náttúruvá, pantað viðtal hjá sálfræðingi eða tíma í fjölskylduráðgjöf ef farið er inn á hlekkkinn hér fyrir neðan.

Skráning. Registration.

Fleiri úrræði:

• Hægt er að fá stuðning og ráðgjöf í Þjónustumiðstöðvum að Tryggvagötu og í Reykjanesbæ. Opið er á Tryggvagötu alla daga frá 10-16 en mánudaga, þriðjudaga og föstudaga í Reykjanesbæ frá 14-17.

• Píeta samtökin sinna forvarnarstarfi gegn sjálfsvígum og sjálfsskaða og styðja við aðstandendur. Píetasíminn 552 2218 er opinn allan sólarhringinn. Við bendum einnig á Hjálparsíma Rauða Krossins 1717. Í neyðartilvikum skal ávalt hringja í 112. Boðið er upp á viðtöl og stuðningshópa fyrir 18 ára og eldri. Samtökin opnuðu þjónustu sína vorið 2018 og eru með starfsemina að Amtmannsstíg 5a í Reykjavík. Netfang samtakanna er pieta@pieta.is

• Bergið headspace er stuðnings- og ráðgjafasetur fyrir ungt fólk upp að 25 ára aldri. Í Berginu geta einstaklingar fengið ókeypis viðtal við fagaðila þar sem ráðgjöf og stuðningur er veittur, Bergið headspace, fyrir ungt fólk á þeirra

  forsendum. Bergið panta tíma

• Stuðningstorg fyrir Grindvíkinga á Kara Connect - hægt að panta tíma hérna í fjarsamtal eða staðsamtal hjá sálfræðingi og öðrum fagaðilum

• Hægt er að hringja í 1717 Hjálparsíma Rauða Krossins

• Heilbrigðisstofnun Suðurnesja

• Heilsugæslustöðvar

• Netspjall og símaráðgjöf Heilsuveru s. 513-1700

• Samtök kvenna af erlendum uppruna á Íslandi bjóða upp á fría viðtalsþjónustu þar sem heitið er fullum trúnaði. Boðið er upp á rafræn ráðgjöf á Zoom alla þriðjudaga frá klukkan 20 til 22. Aðeins er hægt að bóka tíma á föstudögum til þriðjudags til kl. 16:00. Hægt er að að bóka tíma hér eða með því að senda tölvupóst á support@womeniniceland.is Ráðgjafar tala íslensku, ensku, pólsku auk annara tungumála.

• Þjóðkirkjan býður upp á gjaldfrjáls viðtöl hjá þjónustumiðstöð kirkjunnar og hægt er að hafa samband í síma 528-4300. Hægt er að óska eftir símtali með því að lesa inn á talhólf og panta tíma með því að hafa samband við Andreu Baldursdóttur félagsráðgjafa og fjölskyldumeðferðarfræðing í síma 856-1551 og á netfanginu andrea@kirkjan.is. Hér má finna upplýsingar um þjónustuna.

• Kaþólska kirkjan á Íslandi

  Sé stuðnings og sálgæslu óskað eru prestar kaþólsku kirkjunnar reiðubúnir til þess að veita viðtal. Hægt er að bóka viðtal hjá Séra Mikołaj Kecik í Reykjanesbæ í síma 618 5550 eða með tölvupósti mikolaj.kecik@gmail.com

• Vinaverkefni Rauða krossins
  Hægt er að taka þátt í vinaverkefni Rauða krossins og efla félagslegt tengslanet með því að fá félagsskap eða gerast sjálfboðaliði. Verkefnin miða að því að styrkja og efla félagslega þátttöku með heimsókn, gönguferð, ökuferð, spjalli og svo framvegis, en reynt er að mæta óskum notenda eins og kostur er. Sæktu um hér til fá félagsskap eða hér til að gerast sjálfboðaliði.