Þjónustuteymi Grindvíkinga var stofnsett 1. júní í þeim tilgangi að hlúa að íbúum Grindavíkur og stuðla að farsæld þeirra til framtíðar. Hægt er að óska eftir ráðgjöf með því að senda beiðni eða hringja í síma 5450200 á milli 10:30 til 12:00 mánudaga til fimmtudaga. Teymið samanstendur af sérfræðingum sem vinna að málum Grindvíkinga á þverfaglegan hátt og eru með fjölbreytta þekkingu og reynslu. Sérfræðingarnir eru sálfræðingar, félagsráðgjafar, lýðheilsufræðingur og sérfræðingur í skólamálum.

Þjónustuteymið veitir:

• Ráðgjöf vegna skólamála barna og ungmenna

• Stuðning og ráðgjöf vegna atvinnuleitar/atvinnumissis

• Aðgengi að sálfræðiviðtölum, fræðslu og hópmeðferðum fyrir börn og fullorðna

• Stuðning og ráðgjöf vegna húsnæðismála

• Félagslega ráðgjöf

Þjónustuteymið getur einnig átt samskipti við sveitarfélög þar sem Grindvíkingar hafa komið sér fyrir, sé þess óskað.

Teymið er staðsett í Borgartúni 33.