2 leiðir eru í boði fyrir grunnskólabörn frá Grindavík:

Skólaganga í hverfisskóla 

Öllum grunnskóla börnum stendur til boða að fara í hverfisskóla þar sem fjölskyldan er búsett eins og staðan er í dag.

Til að innrita barn í hverfisskóla hafa foreldrar samband beint við skólastjórnendur þess skóla.

Skólahópar í safnskóla 

Öll börn í Grindavík geta sótt safnskóla, saman í nokkrum hópum, sem eru á mismunandi stöðum í Reykjavík.

Fyrirkomulag safnskóla

Hópum er skipt eftir aldri og verða kennara barnanna úr Grindavík með hópunum.

Upplýsingar um hópana verða sendar í gegnum Mentor-kerfið til foreldra.

Skólahald verður til að byrja með óhefðbundum hætti og verður áhersla á samveru, leik og vettvangsferðir samhliða þáttum sem styrkja farsæld og vellíðan barnanna.

Staðsetning safnskóla

Hóparnir hittast á eftirfarandi stöðum:

• 1. og 2. bekkur verða saman í skólahúsnæði við Hvassaleitisskóla í Reykjavík.

• 3. og 4. bekkur verða saman í skólahúsnæði við Tónabæ

• 5. til 8. bekkur verða saman í skólahúnæsði við Ármúla 30

• 9. og 10. bekkur verða saman í skólahúnæsði við Laugarlækjarskóla

Foreldrar munu fá nánari upplýsingar í gegnum Mentor.

Hérna er hægt að nálgast upplýsingar um rútuferðir í og úr skólunum.

Nýr safnleikskóli opnaði í leikskólanum Bakkakoti í Grafarvogi fimmtudaginn 30. nóvember. Fjöldi barna hefur þegar fengið vistun á leikskólum í bæjarfélögum þar sem þau eru búsett á meðan önnur bíða eftir plássi. Safnleikskólinn stendur grindvískum börnum sem voru á leikskólunum Laut og Króki til boða.

Í nýjum safnleikskóla fyrir grindvísk leikskólabörn er stefnt að því að bjóða upp á allt að 6 klukkustunda vistun. Leikskólastarfið í safnleikskólanum hefst á samverustund barna, foreldra og starfsfólks í nýju umhverfi. Fyrstu tveir dagarnir verða nýttir til þess að kanna hversu mörg börn nýta sér leikskólann og kortleggja starfsaðstæður barna og starfsfólks. Markmið bæjaryfirvalda er að tryggja börnum leikskólavist með rútínu og farsæld barna í huga.

Þegar hugað er að leikskólanum, er um að ræða ung börn á viðkvæmu þroskastigi. Það er því mikilvægt að allar ákvarðanir sem teknar eru séu vandaðar og í samræmi við það sem börnum er fyrir bestu. Auk þess að vera í samráði við foreldra og starfsfólk leikskóla.

Í þjónustumiðstöðinni í Tollhúsinu er hægt að fá nánari upplýsingar og ráðgjöf.