Umsókn um viðurkenningu sem farmverndaraðili

Til að fá viðurkenningu sem farmverndaraðili verður forráðamaður fyrirtækis að fylla út rafræna umsókn.

Þegar búið er að skrá inn allar upplýsingar skaltu smella á Halda áfram og það birtist ný síða með þeim upplýsingum sem settar verða í umsóknina.

• Ef allar upplýsingar í skjámyndinni eru réttar er umsóknin staðfest með því að smella á hnappinn Staðfesta umsókn.

Þegar búið er að staðfesta umsóknina eru sendir tveir tölvupóstar á netfangið sem forráðamaður gaf upp í umsókninni.

• Tölvupóstur 1: Forráðamaður þarf að lesa tölvupóstinn yfir og smella á hlekkinn í honum til að staðfesta netfang sitt.

Að því loknu er sendur tölvupóstur 2, til forráðamanns.

• Tölvupóstur 2: Afrit af umsókninni. Smella á hlekkinn í tölvupóstinum til að opna umsóknina í prentvænni útgáfu.

Í tölvupósti 2, er send prentvæn útgáfa af umsókninni til forráðamanns.

Forráðamaður þarf að:

Umsóknin fer nú í vinnslu hjá Skattinum og ekki er frekari aðgerða er þörf að sinni.

Að vinnslu lokinni fær forráðamaður leiðbeiningar um framhaldið sendar á netfangið sem tilgreint var í umsókninni.

Þegar umsóknin berst athugar Skatturinn hvort bæði

A. Fyrirtæki uppfylli öll skilyrði sem sett eru um viðurkenningu sem farmverndaraðili.

B. Farmverndarfulltrúar uppfylli öll skilyrði.

Mögulegar niðurstöður eru:

4.1. Fyrirtæki samþykkt: Forráðamaður fær staðfestingu í tölvupósti ásamt hlekk til að tengjast vefsvæði farmverndar.

4.2. Athugasemdir við umsókn: Ef eitthvað er athugavert við umsóknina svo ekki er hægt að samþykkja hana, hefur starfsmaður Skattsins samband við forráðamann farmverndar, sem er tilgreindur á umsókn.

4.3. Farmverndarfulltrúi samþykktur Forráðamaður fær tilkynningu um að farmverndarfulltrúi sé samþykktur í tölvupósti og verður sjálfur að láta farmverndarfulltrúann vita. Farmverndarfulltrúinn getur þá tengst farmverndarkerfinu með hlekk sem fram kom í tölvupósti og hafið störf. Upplýsingar um vinnuumhverfi farmverndarfulltrúa eru í sérstöku hjálparskjali.

4.4. Farmverndarfulltrúi ekki samþykktur Uppfylli farmverndarfulltrúi ekki skilyrðin, hefur Skatturinn er samband við forráðamann fyrirtækisins.

Hér á að skrá upplýsingar um kennitölu fyrirtækis

Hér á að skrá upplýsingar um starfsmanninn, sem verður forráðamaður farmverndar hjá fyrirtækinu. Þar getur t.d. verið átt við stjórnarformann, forstjóra, aðstoðarforstjóra, framkvæmdastjóra, aðstoðarframkvæmdastjóra, skrifstofustjóra, fjármálastjóra, deildarstjóra, framleiðslu- stjóra, verksmiðjustjóra, verkstjóra, öryggisfulltrúa eða gæðastjóra.

Skrá þarf upplýsingar um kennitölu og persónubundið netfang forráðamanns. Netfang má lengst vera 60 stafir.

Hér á merkja við þann lið, sem segir til um atvinnustarfsemi fyrirtækisins.

Ef merkt er við liðinn Útflytjandi / framleiðandi, þarf jafnframt að velja vörusvið útflutnings úr fellilista, sem þá birtist.

Sé liðurinn Annað valinn úr fellilistanum, þarf jafnframt að skrá upplýsingar um vörusvið í reit, sem líka heitir Annað. Mest er hægt að skrifa 60 stafi í reitinn.

Ef merkt er við liðinn Útflytjandi / framleiðandi, þarf jafnframt að velja lönd, sem flutt er til, úr fellilista, sem þá birtist.

Hægt er að velja fleiri en einn land í sömu aðgerð með því að halda niðri Ctrl-hnappi. Jafnframt er hægt að bæta við löndum með því að smella aftur á fellilistann.

Hægt að eyða völdu landi með því að smella á x fyrir aftan nafn landsins.

Jafnframt þarf að tilgreina hvort vara sé flutt út í gámum. Ef svarið er Já, þarf jafnframt að tilgreina fjölda útfluttra gáma sl. tvö ár og áætlaðan fjölda gáma næstu tólf mánuði.

Ef merkt er við liðinn Önnur atvinnustarfsemi, þarf jafnframt að velja atvinnustarfsemi úr fellilista, sem þá birtist.

Sé liðurinn Annað valinn úr fellilistanum, þarf jafnframt að skrá upplýsingar um atvinnustarfsemi í reit, sem líka heitir Annað. Mest er hægt að skrifa 60 stafi í reitinn.

Hér á að skrá upplýsingar um þá einstaklinga, sem koma til með að annast vinnu við farmvernd fyrirtækisins. Í reglum um farmvernd eru þessir einstaklingar kallaðir farmverndarfulltrúar.

Skrá þarf upplýsingar um kennitölu og persónubundið netfang farmverndarfulltrúa. Netfang má lengst vera 60 stafir. Sé farmverndarfulltrúi ekki með netfang hjá fyrirtækinu, má sleppa því að skrá í svæðið.

Ef farmverndarfulltrúar eru fleiri en þrír á að smella á hlekkinn Fleiri línur og þá bætast við línur til að skrá fleiri farmverndarfulltrúa.