Umsókn um rekstrarleyfi fyrir geymslusvæði fyrir ótollafgreiddan varning

Sækja þarf um leyfi til starfrækslu geymslusvæða fyrir ótollafgreiddar vörur. Leyfi er eingöngu veitt lögaðilum. Einstaklingar geta ekki sótt um.

Umsóknarferill

Umsókn skal vera skrifleg og innihalda eftirfarandi upplýsingar:

• Nafn umsækjanda ásamt kennitölum og lögheimilum stjórnarmanna og daglegs stjórnanda

• Tegund geymslusvæðis sem sótt er um leyfi fyrir. Sjá nánar um tegundir og reglur sem gilda um geymslur.

• Yfirlýsing frá löglegum fulltrúa, stjórnarformanni, framkvæmdastjóra eða umboðsmanni um að öll skilyrði sem gilda um starfsemina hafi verið eða verði uppfyllt

Fylgigögn með umsókn

• Greinargerð með ítarlegri lýsingu á fyrirhugaðri starfsemi og skipulagi hennar, bókhaldi, tölvubúnaði fyrir birgðabókhald, vörslu gagna, innra eftirliti og aðstöðu fyrir tolleftirlit

• Teikningar af húsnæði og lóð sem ætluð eru til starfseminnar

• Búsforræðisvottorð og sakavottorð stjórnarmanna og daglegs stjórnanda

• Starfsleyfi til tollmiðlunar – ef tollmiðlari sækir um leyfi fyrir afgreiðslugeymslu

Trygging til ríkissjóðs

Leyfishafar tollvörugeymslu, tollfrjálsrar forðageymslu, umflutningsgeymslu og frísvæðis skulu setja tryggingu til ríkissjóðs sem nemur 3% af tollverðmæti þeirra vara sem gert er ráð fyrir að séu geymdar á hverjum tíma.

Lágmarkstrygging er:

• 50.000.000 kr. fyrir tollvörugeymslur, umflutningsgeymslur og frísvæði

• Lægra lágmark gildir fyrir tollfrjálsar forðageymslur

Óheimilt er að hefja rekstur fyrr en trygging eða tryggingargögn hafa verið afhent Tollstjóra.

Skilyrði

Eftirfarandi skilyrði þurfa að vera uppfyllt eftir geymslutegund:

• Umsækjandi er lögaðili

• Stjórnarmenn hafa óflekkað mannorð og vera fjárráða

• Stjórnun, innra eftirlit, bókhald og varsla gagna eru með traustum hætti

• Húsnæði og aðstaða uppfyllir kröfur um tolleftirlit

• Leyfishafi setur tryggingu (gildir um tollvörugeymslur, frísvæði og umflutningsgeymslur)

Stjórnarmenn leyfishafa bera persónulega ábyrgð á að innra eftirlitskerfi sé traust og skilvirkt og veiti nægilega vissu um að farið sé að lögum og reglum.

Skyldur leyfishafa eftir veitingu leyfis

• Birgðabókhald skal haldið yfir allar vörur á geymslusvæðinu:

  • Afgreiðslugeymslur skrá samkvæmt farmskrám.

  • Tollvörugeymslur skrá allar þær upplýsingar sem nauðsynlegar eru til tollafgreiðslu.

• Geymslusvæðiskóði skal alltaf tilgreindur í farmskrá við farmskrárskil til Tollstjóra, án hans er móttöku farmskrár hafnað.

• Flutningur ótollafgreiddrar vöru milli viðurkenndra geymslusvæða þarf að tilkynna Tollstjóra og fá heimild fyrir.

• Tollstjóri getur hvenær sem er gert vörutalningu á geymslusvæðunum.