Óheimilt er að geyma ótollafgreiddar vörur utan viðurkenndra geymslusvæða án sérstakrar heimildar Tollstjóra. Einkaneysla, afnot eða sýning á vörum sem fluttar hafa verið á geymslusvæði er einnig óheimil. Þeir sem hafa slíkar vörur í sinni vörslu mega ekki láta þær af hendi án leyfis Tollstjóra.

Tegundir viðurkenndra geymslusvæða

Afgreiðslugeymslur

Reknar af farmflytjendum (skipa- og flugfélögum í millilandaflutnigum) eða tollmiðlurum. Ótollafgreiddar vörur má geyma þar í allt að 6 mánuði frá komu flutningsfars til landsins. Þessar geymslur eru að jafnaði notaðar til skammtímageymslu meðan vörur bíða tollafgreiðslu eða flutnings á annað geymslusvæði.

Tollvörugeymslur

Reknar af lögaðilum sem veita öðrum þjónustu sem felst í starfsemi tollvörugeymslu. Hér má geyma ótollafgreiddar vörur án tímatakmarkana. Heimil er óveruleg aðvinnsla vöru, svo sem:

• Umpökkun

• Merking

• Samsetning

• Prófun

• Þrif

Skilyrði er þó að aðvinnslan breytir ekki tollflokkun vörunnar. Einnig er heimilt að geyma tollafgreiddar vörur í sömu geymslu og ótollafgreiddar – en þær verða að vera skýrt aðgreindar í birgðabókhaldi.

Tollfrjálsar forðageymslur

Hér má geyma vistir, búnað og annan forða fyrir för í utanlandsferðum, auk varnings til sölu um borð í þeim. Má flytja þangað ótollafgreiddar vörur, vörur úr birgðum skipa eða flugvéla og innlendar framleiðsluvörur.

Tollfrjálsar verslanir og birgðageymslur þeirra

Sérstæð geymslusvæði tengd rekstri tollfrjálsra verslana.

Frísvæði

Á frísvæðum má nota ótollafgreiddar vörur við hvers kyns aðvinnslu og iðnað – þar er heimilt mun víðara úrval starfsemi en í öðrum geymslum. Heimilt er að flytja ótollafgreiddar vörur inn á frísvæði úr fari, afgreiðslugeymslu eða tollvörugeymslu, auk innlendra vara ætlaðra til iðnaðarframleiðslu.

Umflutningsgeymslur

Hlutverk þessara geymslna er eingöngu að geyma ótollafgreiddar vörur þar til þær eru fluttar aftur af landi brott – vörurnar eru aldrei tollafgreiddar hér á landi. Strangar takmarkanir gilda:

• Iðnaðarframleiðsla og önnur aðvinnsla vöru er óheimil

• Óheimilt er að flytja vörur úr umflutningsgeymslu yfir á annað geymslusvæði

• Óheimilt er að afhenda vörur til notkunar innan lands

Leyfisveiting og eftirlit