Ellilífeyrir

Tekjuupplýsingar

Öll sem fá lífeyri eða aðrar tekjutengdar greiðslur frá Tryggingastofnun (TR) þurfa að skila tekjuáætlun til að fá rétt greitt miðað við sín réttindi.

Hvenær þarf að skila tekjuáætlun

Þú þarft að skila tekjuáætlun:

þegar þú sækir um í fyrsta skipti,
ef tekjur eða aðstæður þínar breytast,
jafnvel þótt einu tekjurnar þínar séu frá Tryggingastofnun.

Útfylling tekjuáætlunar

Þegar þú fyllir út tekjuáætlun þarft þú að:

fylla út þá reiti sem eiga við þig,
skrá núverandi upphæðir eins nákvæmlega og hægt er,
áætla upphæð tekna, ef þú veist ekki hver upphæðin er,
passa að skrá allar upphæðir fyrir skatt.

Ef þú veist ekki hverjar tekjur þínar verða, getur verið betra að áætla aðeins meira en minna til að koma í veg fyrir að fá of mikið greitt frá TR.

Allar fjármagnstekjur eru sameiginlegar fyrir hjón og sambýlisfólk. Í tekjuáætlun þarf að skrá samanlagða upphæð fyrir ykkur bæði. Tekjunum er svo deilt til helminga á milli ykkar í útreikningum lífeyris.

Útskýringar á tekjutegundum

Eftirfarandi tekjur þurfa að koma fram á tekjuáætlun:

Allar fjármagnstekjur eru sameign hjóna og sambýlisfólks. Þú skráir heildar upphæð ykkar beggja fyrir skatt. Aðeins helmingur er tekinn með í útreikning.

Söluhagnaður

Þetta getur til dæmis verið sala á hlutabréfum eða verðbréfum.

Leigutekjur

Leigutekjur af íbúðarhúsnæði, frístundahúsi og aðrar tekjur af leigu.

Vextir og arður

Þetta á við um vexti og verðbætur af innistæðum í banka og verðbréfum. Það þarf líka skrá vexti af erlendum verðbréfum og innistæðum.

Innistæða í banka hefur ekki áhrif á réttindin þín.

Lífeyrissjóðir

Allar greiðslur frá lífeyrissjóði þurfa að koma fram.

Það er gott að gera ráð fyrir vísitöluhækkunum og áætla meira í lífeyrissjóðsgreiðslur heldur en minna.

Lífeyristryggingafélög

Úttektir úr erlendum lífeyristryggingafélögum eins og Allianz eða Bayern þurfa að koma fram.

Það er gott að gera ráð fyrir vísitöluhækkunum og áætla meira í lífeyrissjóðsgreiðslur heldur en minna.

Makalífeyrir

Ef þú færð makalífeyri eftir andlát maka þarf það að koma fram á tekjuáætlun.

Viðbótarlífeyrissparnaður

Viðbótarlífeyrissparnaður er sparnaður þar sem þú greiðir 2% eða 4% af launum og launagreiðandi leggur 2% fram á móti.

Ef þú tekur út viðbótarlífeyrissparnað hefur það áhrif á:

viðbótargreiðslur til fólks með takmörkuð ellilífeyrisréttindi
framfærsluuppbót, sem endurhæfingar- og örorkulífeyrisþegar geta átt rétt á.

Úttekt viðbótarlífeyrissparnaðar hefur ekki áhrif á grunnlífeyri lífeyrisþega.

Séreign - séreignarsparnaður

Skrá þarf séreignahluta skyldusparnaðar sem þú erfir.

Ef þú erfir séreign hefur það áhrif á:

viðbótargreiðslur til fólks með takmörkuð ellilífeyrisréttindi,
framfærsluuppbót, sem endurhæfingar- og örorkulífeyristakar geta átt rétt á.

Erlendir lífeyrissjóðir

Ef þú færð greiðslur frá starfstengdum erlendum lífeyrissjóði þarf að skrá upphæðina í þeim gjaldmiðli sem þær eru greiddar í ásamt nafn stofnunarinnar sem greiðir.

Þú þarft að senda upplýsingar um greiðslurnar til Tryggingastofnunar. Til dæmis afrit af greiðsluseðli.

Erlendur grunnlífeyrir

Ef þú færð lífeyri frá erlendri almannatryggingastofnun þarf að skrá upphæðina í þeim gjaldmiðli sem hann er greiddur ásamt nafn stofnunarinnar sem greiðir.

Þetta getur til dæmis verið frá: