Verkefnastyrkir Loftslags- og orkusjóðs

Loftslags- og orkusjóður auglýsir reglulega styrki til verkefna sem stuðla að samdrætti í losun gróðurhúsaloftegunda á beinni ábyrgð Íslands eða fela í sér nýsköpun og innleiðingu á nýrri tækni á sviði umhverfis- orku og loftslagsmála.

Vorið 2025 er auglýst eftir verkefnum á eftirfarandi áherslusviðum:

• Orkuskipti í samgöngum

• Orkuskipti í rekstri eða orkusparnaður

• Hringrásarhagkerfið

• Innleiðing nýrrar tækni eða nýsköpun

Heildarupphæð til úthlutunar Orkusjóðs vorið 2025 er 1.300 milljón krónur, sem deilist á ólíka styrkjaflokka.

Þar af verður allt að 300 milljónum veitt í styrki til verkefna sem fela í sér innleiðingu á nýrri tækni eða nýsköpun á sviði loftslagsmála.

Áhersla er lögð á verkefni sem þurfa á fjárhagslegum stuðningi sjóðsins að halda til að raungerast. Styrkumsóknir eru afgreiddar samkvæmt reglugerð, nr. 1566/2024, um Loftslags- og orkusjóð.

Sjá nánar í auglýsingu Loftslags- og orkusjóðs.