Stafræn vegferð með Enterprise Europe Network

Enterprise Europe Network aðstoðar fyrirtæki við sókn á nýja markaði, við nýsköpun og við leit að erlendum samstarfsaðilum.

Hlutverk Enterprise Europe Network á Íslandi er að upplýsa, fræða og leiðbeina fyrirtækjum á Íslandi án endurgjalds varðandi tækifæri á alþjóðamarkaði.

Er stafræn nýsköpun hluti af markmiðasetningu þíns fyrirtækis?

Er stafræn nýsköpun hluti af grunn viðskiptamódeli og er verið að skoða stafræna nýsköpunarferla?

Enterprise Europe Network býður litlum og meðalstórum fyrirtækjum að fara í gegnum greiningu á stöðu þeirra í stafrænni nýsköpun og þróun og fá umræður í gang um ofangreindar spurningar.

Enterprise Europe Network vinnur náið með miðstöð stafrænnar nýsköpunar á Íslandi, e. European Digital Innovation Hubs – EDIH, sem sérhæfir sig í að aðstoða fyrirtæki við að nýta starfræn tækifæri.

Öll þjónusta er gjaldfrjáls.