Upplýsingastofa um nám erlendis

Á vef Farabara.is er hægt að leita að upplýsingum um fyrirkomulag náms í ólíkum löndum, til dæmis hvað varðar skólakerfi, skólaárið, umsóknarferli og fleira.

Á vefnum er að finna góð ráð um ferlið við að sækja um nám erlendis.

Hægt er að lesa ráð sem gott er að hafa í huga þegar sótt er um nám erlendis, hvar best sé að byrja og hvaða atriði sé gott að hafa í umsókn.

Farabara.is birtir einnig reynslusögur íslenskra nemenda sem hafa farið í háskólanám erlendis. Hægt er að flokka reynslusögurnar eftir löndum.

Á vefnum er listi yfir námsstyrki í ólíkum löndum sem upplýsingastofan hefur safnað saman. Vinsamlegast athugið að listinn er ekki tæmandi og styrkirnir eru ekki í umsjá Rannís.

Starfsfólk upplýsingastofu um nám erlendis svarar fyrirspurnum í tölvupósti og hægt er að bóka fundi ef óskað er eftir persónulegri ráðgjöf.

• Starfsfólk aðstoðar ekki við að gera umsóknir heldur veitir almennar ráðleggingar sem geta gagnast í umsóknarferlinu.

Öll þjónusta er gjaldfrjáls.