Markmið heimahjúkrunar

Markmið heimahjúkrunar er að styðja einstaklinga við að vera eins sjálfbjarga og mögulegt er.

Með viðeigandi stuðningi er stefnt að því að einstaklingar geti:

• búið heima við góðar og öruggar aðstæður

• viðhaldið sjálfstæði sínu

• eflt eigin heilsu og líðan

• dvalið heima eins lengi og hægt er, miðað við heilsu og aðstæður

Hvaða þjónustu veitir heimahjúkrun?

Heimahjúkrun fer fram í vitjunum og getur meðal annars falið í sér:

• Aðstoð við aðhlynningu og klæðnað

• Aðstoð við persónulegt hreinlæti og böðun

• Eftirlit með lyfjatöku og lyfjagjöf, svo sem töflum og sprautum

• Sáraskipti og eftirlit með stóma

• Mælingar á blóðþrýstingi og blóðsykri

• Andlegan stuðning

• Almennt eftirlit með heilsufari

• Ráðgjöf og leiðbeiningar um heilsu og líðan

• Leiðbeiningar um hjálpartæki, hreyfingu, næringu og önnur úrræði

• Aðra umönnun og hjúkrunarmeðferð eftir þörfum

Markmiðið er ávallt að styðja einstaklinginn til að vera eins sjálfbjarga og sjálfstæður og mögulegt er.

Hvaða þjónustu veitir heimahjúkrun ekki?

Heimahjúkrun veitir ekki:

• Vitjanir á föstum tímum sem eru alltaf þær sömu

• Útköll að beiðni skjólstæðings eða aðstandenda

• Yfirsetu eða gæslu hjá einstaklingi í lengri tíma yfir daginn

• Félagslega þjónustu eða heimilishjálp sem sveitarfélög veita

Hverjir geta fengið heimahjúkrun?

Íbúar á Egilsstöðum sem þurfa á heimahjúkrun að halda, til skemmri eða lengri tíma, geta sótt um þjónustuna.

Hvernig sæki ég um heimahjúkrun?

Umsókn um heimahjúkrun fer í gegnum heimilislækni eða hjúkrunarfræðing á heilsugæslu.

Beiðni getur komið frá:

• einstaklingnum sjálfum

• aðstandendum

• sjúkrahúsi

• öðrum heilbrigðis- eða þjónustustofnunum

Heilsugæslustöðvar og sjúkrahús senda umsóknir rafrænt í gegnum Sögu.

Í umsókn þurfa meðal annars að koma fram:

• ástæða umsóknar

• sjúkdómsgreiningar

• helstu heilsufarsvandamál

Beiðnin er síðan send til heimahjúkrunar eða í gegnum MóMa-teymið, þar sem þörf fyrir þjónustu er metin og hún skipulögð. Ef þjónustan er samþykkt kemur hjúkrunarfræðingur í vitjun og metur hjúkrunarþörf einstaklingsins. Þjónustan er síðan skipulögð í samráði við einstaklinginn, fjölskyldu hans og aðrar heilbrigðisstéttir eftir þörfum.

Öryggi á heimili

Heimili skjólstæðings er vinnustaður starfsfólks heimahjúkrunar. Því er mikilvægt að aðstæður séu öruggar og viðeigandi fyrir bæði skjólstæðing og starfsfólk.

Ef aðstæður skapast sem ógna öryggi skjólstæðings eða starfsfólks, til dæmis vegna óreglu eða ofbeldis, eru viðeigandi ráðstafanir gerðar.

Í slíkum tilfellum getur þurft að fresta þjónustu tímabundið á meðan leitað er eftir viðeigandi ráðgjöf og aðstoð.

Hvað kostar heimahjúkrun?

Heimahjúkrun er einstaklingum að kostnaðarlausu.

Hins vegar getur þurft að greiða fyrir þjónustu sem heimahjúkrun vísar í eða aðstoðar einstaklinga við að fá, svo sem rannsóknir, vottorð, sérhæfða meðferð og læknisviðtöl.

Útskrift úr heimahjúkrun

Þörf fyrir heimahjúkrun er endurmetin reglulega.

Þegar einstaklingur þarf ekki lengur á heimahjúkrun að halda hefst undirbúningur að útskrift í samráði við hann og aðstandendur.

Útskrift getur átt sér stað þegar:

• einstaklingurinn hefur náð aftur góðri sjálfsbjargargetu

• hann getur séð um sig sjálfur að mestu eða öllu leyti

• önnur úrræði henta betur

Útskrift er unnin í samstarfi við einstaklinginn, aðstandendur hans og aðrar stofnanir eða þjónustuaðila eftir þörfum.

Teymisstjórar heimahjúkrunar á Egilsstöðum

• Ásta Friðrika Bergvinsdóttir

• Salka Sif Þ. Hjarðar

Símanúmer

• Heilsugæsla Egilsstaðir 470-3000

• Vaktsími Heimahjúkrun 860-6840

• Lyfjaendurnýjun 470-3020

Markmið

Markmið heimahjúkrunardeildar Heilbrigðisstofnunar Austurlands er að gera einstaklingum kleift að búa áfram heima hjá sér eins lengi og það er unnt, miðað við heilsufar og félagslegar aðstæður, í náinni samvinnu við einstaklingana sjálfa og aðstandendur þeirra.

Hverjir geta fengið heimahjúkrun?

Allir sem búa í Fjarðabyggð og þurfa á henni að halda í lengri eða skemmri tíma, geta notfært sér þjónustu heimahjúkrunar.

Hvernig sæki ég um heimahjúkrun?

Beiðni um heimahjúkrun og heimaþjónustu getur komið frá einstaklingnum sjálfum, aðstandendum hans, sjúkrahúsum eða öðrum stofnunum. Ákvörðun um heimahjúkrun er tekin í samráði við lækni eða hjúkrunarfræðing á heilsugæslustöð, eða sjúkrahúsi. Þeir senda skriflega beiðni til heimahjúkrunardeildar og eða í gegnum MóMa teymið en þar er þjónustan metin og ef þörf er á skipulögð í því teymi og síðan sinnt af fagaðilum á svæðinu.

Hverjir sjá um heimahjúkrunina?

Heimahjúkrunina annast hjúkrunarfræðingar, sjúkraliðar og aðrir starfsmenn í nánu samstarfi við fagaðila innan HSA. Teymisstjóri heimahjúkrunar eða hjúkrunarfræðingur heimsækir viðkomandi einstakling og metur þörfina fyrir aðstoð, miðað við heilsufar og félagslegar aðstæður. Að því loknu er gerð áætlun um heimahjúkrunina í samráði við einstaklinginn og aðstandendur hans.

Hvaða þjónustu veitir heimahjúkrun?

Heimahjúkrunin er byggð á vitjunum:

• Almenn aðhlynning og aðstoð við klæðnað

• Hjálp við persónulegt hreinlæti

• Aðstoð við böðun

• Eftirlit með réttri lyfjatöku, lyfjagjafir (töflur, sprautur)

• Sáraskiptingar, eftirlit með stómíum o.þ.h.

• Blóðþrýstings- og blóðsykurmælingar

• Andlegur stuðningur

• Almennt eftirlit með heilsufari

• Ráðgjöf og leiðbeiningar um möguleika til bættrar heilsu (hjálpartæki, líkamsþjálfun, hvers er þörf, hvert skal leita, hollusta, o.s.frv)

• Önnur umönnun og hjúkrunarmeðferð við hæfi

Stefnt er að því að aðstoða skjólstæðinga heimahjúkrunar við að vera eins sjálfbjarga og óháða og unnt er, miðað við heilsu og líkamsþrek.

Hvaða þjónustu veitir heimahjúkrunin ekki?

• Ekki vitjanir á föstum, tilteknum tímum

• Ekki útköll að beiðni skjólstæðings, eða aðstandenda

• Ekki að vaka yfir eða vera hjá einstaklingum yfir lengri tíma dagsins

• Ekki félagslega þjónustu sem heimilishjálp sveitarfélaganna veitir

Hvenær er heimahjúkrun veitt?

Þjónusta heimahjúkrunar er veitt frá kl. 08:00 til 14:00 og frá kl. 15:00–21:00 mánudag til fimmtudags. Föstudag, laugardag og sunnudag er þjónustan veitt frá 08:00-20:00. Beiðni um þjónustu utan þess tíma er skoðuð í hverju tilfelli fyrir sig.

Hvað kostar heimahjúkrun?

Heimahjúkrunin sjálf er ókeypis. Hins vegar getur þurft að greiða t.d. fyrir þær rannsóknir, vottorð, sérhæfðu meðferð og læknaviðtöl, sem heimahjúkrunin hlutast til um að skjólstæðingar hennar fái.

Yfirmaður heimahjúkrunar

Teymisstjóri heimahjúkrunar i Fjarðabyggð er Margrét Þóra Óladóttir.

Símanúmer

• Skiptiborð HSA svarar og leiðbeinir með alla heilbrigðisþjónustu í síma 470-1450 og 470-1420

• Heimahjúkrun – teymisstjóri 834-4383, alla virka daga kl.8–16

• Sjúkraliðar heimahjúkrunar á vakt í Fjarðabyggð, 470-1414

• Sjúkraliðar heimahjúkrunar á vakt í Neskaupstað, 855-2881