Panta tíma í leghálsskimun
Leghálsskimun er rannsókn á leghálsi fyrir einkennalausa, þar sem skimað er fyrir leghálskrabbameini.
Öll með legháls á aldrinum 23 til 64 ára sem hafa stundað kynlíf, er ráðlagt að mæta reglulega í skimun.
Ef þú ert með einkenni frá leghálsi, skaltu leita til kvensjúkdómalæknis.
Boðsbréf í skimun
Boðsbréf eru send til kvenna á aldrinum:
23 til 29 ára, á 3 ára fresti.
30 til 64 ára, á 5 ára fresti.
Kynsegin fólk
Þau sem eru ekki skráð kvenkyns í Þjóðskrá en eru með legháls þurfa að fylgjast sjálf með því hvenær er tímabært að mæta í skimun.
Tímapantanir
Ef þú hefur fengið boðsbréf í skimun, hvort sem þú býrð á höfuðborgarsvæðinu eða á landsbyggðinni, getur þú fengið skimun á heilsugæslu að eigin vali með því að:
Panta tíma í skimun á þeim tíma og stað sem hentar með símtali við heilsugæslustöð.
Bóka tíma á Mínum síðum á Heilsuveru, fyrir íbúa höfuðborgarsvæðisins og Norðurlands.
Mæta án tímabókunar í opin hús í leghálsskimun.
Skimun á heilsugæslustöð
Skimun tekur um 10 mínútur og er framkvæmd af hjúkrunarfræðingi eða ljósmóður. Sýni er tekið úr leghálsi og sent til rannsóknar. Einnig er hægt að leita til kvensjúkdómalækna.
Niðurstöður skimunar
Rafrænt svarbréf er sent í gegnum Mínar síður Heilsuveru og Ísland.is þegar niðurstöður rannsóknar liggja fyrir.
Aðgengi fyrir hreyfihamlaða
Best aðgengi fyrir hreyfihamlaða er á Heilsugæslunum Glæsibæ, Hamraborg, Höfða, Kirkjusandi, Mosfellsumdæmi, Seltjarnarnesi og Vesturbæ.
Frekari upplýsingar
Þjónustuaðili
Heilsugæsla höfuðborgarsvæðisins