Örorkumat til 31. ágúst 2025
Úrskurður
Athugið að upplýsingar á þessari síðu eru um örorku- og endurhæfingarlífeyriskerfið sem var í gildi til 31. ágúst 2025. Umsækjendur frá 1. september 2025 eru metnir samkvæmt nýja kerfinu á meðan þau sem áttu mat í gildi í gamla kerfinu til að minnsta kosti 31. ágúst 2025 færðust sjálfkrafa yfir í nýja kerfið.
Hér fyrir neðan má nálgast upplýsingar um nýja kerfið:
Örorkulífeyrir frá 1. september 2025
Hlutaörorka og virknistyrkur frá 1. september 2025
Tryggingalæknir úrskurðar um örorku út frá:
læknisvottorði frá þínum lækni,
spurningalista sem þú fyllir út,
álitsgerð skoðunarlæknis,
greinargerð frá endurhæfingaraðila sem staðfestir að endurhæfing sé fullreynd ef við á.
Þú leggur mat á eigin færni í spurningalista þegar þú sækir um örorku. Þetta er tækifæri fyrir þig að koma þínum sjónarmiðum á framfæri milliliðalaust.
Flestir fyrstu umsækjendur eru kallaðir í skoðun hjá lækni sem starfar utan TR. Biðtími eftir tíma hjá skoðunarlækni getur verið nokkrar vikur.
Þú getur átt rétt á greiðsluþátttöku Sjúkratrygginga fyrir ferðum vegna umsókna um lífeyri.
Réttindi út frá örorkumati
Útkoma örorkumatsins segir til um réttindi:
50 til 74% veitir örorkustyrk,
75% og meira veitir örorkulífeyri.
75% örorka telst full örorka.
Þjónustuaðili
Tryggingastofnun