Örorkustyrkur til 31. ágúst 2025
Athugið að upplýsingar á þessari síðu eru um örorku- og endurhæfingarlífeyriskerfið sem var í gildi til 31. ágúst 2025. Umsækjendur frá 1. september 2025 eru metnir samkvæmt nýja kerfinu á meðan þau sem áttu mat í gildi í gamla kerfinu til að minnsta kosti 31. ágúst 2025 færðust sjálfkrafa yfir í nýja kerfið.
Hér fyrir neðan má nálgast upplýsingar um nýja kerfið:
Örorkulífeyrir frá 1. september 2025
Hlutaörorka og virknistyrkur frá 1. september 2025
Þau sem fá metna 50 til 74% örorku fá örorkustyrk vegna skertrar starfsgetu.
Örorkustyrkur er hugsaður fyrir einstaklinga sem bera verulegan aukakostnað vegna örorku sinnar, til dæmis vegna lyfja, læknishjálpar eða hjálpartækja.
Örorkustyrkur er ekki hugsaður til framfærslu líkt og örorkulífeyrir og er tekjutengdur.
Fjárhæð
Fjárhæð örorkustyrks er:
48.591 króna á mánuði fyrir 18 ára til 61 árs,
65.730 krónur á mánuði fyrir 62 til 67 ára.
Viðbótargreiðslur með örorkustyrk:
þau sem eru með börn undir 18 ára á sínu framfæri fá 75% af upphæð barnalífeyris með hverju barni,
hreyfihamlaðir geta sótt um uppbót vegna reksturs bifreiðar.
Greiðslur falla niður
Örorkustyrkur fellur niður ef:
launagreiðslur fara yfir frítekjumörk,
umsókn um endurmat berst of seint,
einstaklingur verður 67 ára því þá myndast réttur til ellilífeyris. Sækja þarf sérstaklega um ellilífeyri.
Örorkumat - algengar spurningar
Þjónustuaðili
Tryggingastofnun