Endurkröfur vegna ofgreiddra húsnæðisbóta

Sýslumaðurinn á Norðurlandi vestra sér um innheimtuofgreiddra húsnæðisbóta.

Hægt er að greiða kröfu á bankareikning 0159-26-267, kennitala 660914-0990. Tilgreina þarf kennitölu og nafn skuldara við greiðslu í banka.

Greiðsludreifing

Ef þú getur ekki greitt kröfu í einu lagi getur þú sótt um greiðsludreifingu með því að senda skriflega beiðni á innheimta@syslumenn.is eða með bréfi til Sýslumannsins á Norðurlandi vestra.

Skilyrði greiðsludreifingar

• Lágmarksfjárhæð mánaðarlegra greiðslna: 10.000 krónur

• Hámarkstími: 36 mánuðir

Innheimtuferli

• Þegar krafa er stofnuð birtist hún í heimabanka skuldara.

• Ef krafan er ógreidd og ekki hefur verið samið um hana innan 30 daga, getur eftirfarandi úrræðum verið beitt:

  • Skuldajöfnuður við inneignir í ríkissjóði

  • Skráningu á vanskilaskrá (eftir birtingu greiðsluáskorunar eða árangurslaust fjárnám)

Álag

Heimilt er að bæta 15% álagi á fjárhæð ofgreiddrar kröfu hafi bótaþegi gefið upp rangar, villandi eða ófullnægjandi upplýsingar.

Kæruleiðir

• Hægt er að óska eftir rökstuðningi, endurupptöku eða kæra niðurstöðu til Úrskurðarnefndar velferðarmála innan 3 mánaða frá dagsetningu bréfs Vinnumálastofnunar.

• Nánari upplýsingar um kæruleiðir eru á vef Úrskurðarnefndar velferðarmála.

• Stjórnsýslukæra frestar ekki réttaráhrifum ákvörðunar, en frestar aðför.

• Ef ákvörðun er kærð skal senda staðfestingu til Sýslumanns á Norðurlandi vestra á netfangið innheimta@syslumenn.is.