Fjárhagsaðstoð vegna líffæragjafar

Þú getur sótt um tímabundna fjárhagsaðstoð hjá Tryggingastofnun vegna fjarveru frá vinnu eða námi vegna líffæragjafar.

Skilyrði

Til að sækja um fjárhagsaðstoð vegna líffæragjafar þarf að uppfylla eftirfarandi skilyrði:

• eiga lögheimili á Íslandi,

• vera óvinnufær vegna líffæragjafar,

• gera hlé á námi vegna líffæragjafar.

Skilyrði líffæragjafa eftir aðstæðum

Þar að auki þarft þú að uppfylla mismunandi skilyrði miðað við þínar aðstæður:

• Ef þú ert á vinnumarkaði.

• Ef þú ert í námi.

Umsóknarferli

Svona sækir þú um

Athugaðu að skrá frá hvaða tíma sótt er um.

Vinnslutími umsókna

Þú getur fylgst með stöðu umsókna á Mínum síðum undir Staða umsókna. Ef það vantar gögn færðu tölvupóst og tilkynningu á Mínum síðum undir Mín skjöl.

Niðurstaða

Þegar niðurstaða liggur fyrir færðu tölvupóst og tilkynningu á Mínum síðum TR undir Mín skjöl.

Þar getur þú einnig séð upphæðir út árið í greiðsluáætlun.

Ef þú ert ósammála ákvörðuninni getur þú:

• óskað eftir rökstuðningi á Mínum síðum TR,

• sent erindi til umboðsmanns viðskiptavina TR ,

• eða kært úrskurðinn til úrskurðarnefndar velferðarmála.

Fyrirkomulag greiðslna

Þú getur fengið greitt í allt að 3 mánuði og eru greiðslurnar greiddar eftir á í lok mánaðar.

Greiðslur falla niður eða réttur ekki til staðar

Réttur til greiðslna fellur niður eða er ekki til staðar ef þú ert:

• á atvinnuleysisbótum á sama tímabili,

• færð fæðingarorlofsgreiðslur eða fæðingarstyrk,

• færð lífeyrisgreiðslur frá TR,

• færð foreldragreiðslur frá TR.