Fara beint í efnið
Vinnueftirlitið Forsíða
Vinnueftirlitið Forsíða

Vinnueftirlitið

Mínar síður hjá Vinnueftirlitinu

Áætlun um öryggi og heilbrigði

Atvinnurekendur bera ábyrgð á að gerð sé skrifleg áætlun um öryggi og heilbrigði á vinnustað án tillits til stærðar hans.

Um áætlunina

Tilgangur áætlunarinnar er að stuðla að öryggi, heilsu og vellíðan starfsfólks. Mælt er með að gerð áætlunarinnar sé samvinnuverkefni atvinnurekenda, stjórnenda og starfsfólks.

Nánar um áætlunina

Meginþættir áætlunarinnar

Áætlunin á að gefa gott yfirlit yfir áhættur á vinnustað og hvernig hefur verið komið í veg fyrir eða dregið úr þeim með forvörnum. Þegar grípa þarf til úrbóta á vinnustaðnum skulu þær vera tímasettar.

Nánar um meginþætti áætlunarinnar:

Áhættumat

Gera þarf áhættumat fyrir vinnustaðinn. Það felur í sér kerfisbundna greiningu á öllum meginþáttum vinnuumhverfisins með tilliti til öryggis, vellíðunar og heilsu starfsfólks.

Nánar

Áætlun um heilsuvernd og forvarnir

Þegar niðurstaða áhættumatsins liggur fyrir þarf að gera áætlun um heilsuvernd og forvarnir. Hún veitir yfirlit yfir þær aðgerðir sem framkvæma þarf til að lágmarka hættu fyrir starfsfólks og tryggja öryggi þess, heilsu og vellíðan.

Nánar

Viltu aðstoð?

Þjónustuaðilar í vinnuvernd

Þegar gerð áhættumats og áætlunar um forvarnir krefst færni sem atvinnurekandi eða starfsfólk hans hefur ekki yfir að ráða skal atvinnurekandi leita aðstoðar þjónustuaðila sem hafa hlotið viðurkenningu Vinnueftirlitsins til þeirra starfa.

Öryggistrúnaðarmenn og öryggisverðir

Fyrir öryggistrúnaðarmenn, öryggisverði og öll þau sem hafa áhuga á vinnuverndarmálum og vilja bæta hjá sér vinnuumhverfið.

Nám til viðurkenningar í vinnuvernd

Vinnueftirlitið býður upp á stafrænt nám til viðurkenningar í vinnuvernd. Námið er aðgengilegt allan ársins hring. Námið veitir fræðslu, þekkingu og þjálfun í gerð áætlunar um öryggi og heilbrigði á vinnustöðum. Sömuleiðis þekkingu á íslenskum lögum og reglum á sviði vinnuverndar.